بدأ نفسه يضعف، وأغمض عينيه لثوانٍ.
حاولنا نصحيه، لكنه فتح عينيه بصعوبة وهمس بكلماته الأخيرة
فيه حد سبقكم… وبيستناكم هناك.
ثم فقد الوعي.
أما حازم، فكان ماسك المفتاح بإيده، ولاحظ لأول مرة إن النقش اللي عليه بدأ يلمع بضوء خافت…
وفي نفس اللحظة، أحمد فتح كفه الصغير…
ولقينا علامة وش القط اختفى منها جزء صغير، وكأنها بدأت تكتمل في مكان آخر… لكننا ما كناش نعرف فين بعد حازم حس ببرودة سرت في جسمه.
بص حواليه بسرعة، وفتح باب اة وطلع يجري على السلم، يمكن يكون حد مستخبي.
فتش العمارة كلها… السطح… المدخل… وحتى الشارع.
مفيش أي حد.
رجع وهو بيحاول يلتقط أنفاسه.
سليم كان لسه قاعد مكانه، لكن وشه بقى شاحب.
قال بهدوء
بدأ يراقبكم بنفسه.
أنا سألت بخوف
مين هو؟
رد
مش مهم تعرفوا اسمه دلوقتي… المهم تعرفوا إنه بيدور على المفتاح.
حازم مسك المفتاح النحاسي من على الترابيزة لا إراديًا.
في نفس اللحظة…
سمعنا صوت طَق.
المفتاح اتشق بخط رفيع جدًا، وطلع منه ضوء خافت، ثم رجع طبيعي.
سليم انتفض من مكانه.
لا… كده يبقى هو عرف مكانه.
قبل ما نفهم قصده…
جرس الباب رن مرة تانية.
لكن المرة دي…
كان رنة واحدة طويلة.
كلنا سكتنا.
حازم قرب من العين السحرية.
بص…
وملقاش حد.
لف ناحيتنا وقال
مفيش حد.
أول ما قالها…
الجرس رن تالت.
فتح الباب بسرعة.
الممر كان فاضي.
لكن على الأرض…
كان فيه ظرف أسود.
أخده وقفله بسرعة.
فتحناه.
لقينا ورقة واحدة.
مكتوب فيها بخط واضح
لو عايزين أحمد يعيش… متروحوش الغرفة الحجرية.
وسطر تاني تحتها
ولو رحتوا… متفتحوش الباب الأخير.
سليم أول ما قرأ الورقة، اتنهد وقال
هو عرف إنكم هتوصلوا.
حازم سأله
إزاي؟
رد
لأن فيه حد بيسرب له كل خطوة بتعملوها.
أنا وحازم بصينا لبعض في صدمة.
يعني فيه شخص قريب مننا… بيعرف كل اللي بيحصل.
وفجأة…
تليفون سليم رن.
رد بسرعة، لكنه ما قالش غير
إيه؟!… إمتى؟
اتغير لون وشه.
قفل المكالمة، وبص لحازم.
العجوز… فاق من الغيبوبة قبل دقائق.
الحمد لله.
