ابني الصغير امبارح صحي من النوم

مرة لمعة غير اللي اتعودت عليها لمعة مواجهة. قلت بصوت واطي وأنا ببصلها كفاية هروب.
فتحت الواتساب وبعتله
تعالى النهاردة بدري الموضوع كبر.
رد بسرعة
خير حصل حاجة
قلت
هقولك لما تيجي.
حطيت الموبايل على الترابيزة ووقفت وسط البيت أعد أنفاسي. أول حاجة عملتها إني دخلت على أوضة ابني شلت الكاميرا وخبيتها وقفلت الشباك كويس وغيرت الوضعية بتاعة السرير شوية. مش عايزة أي ذريعة ولا عايزة حد يقولي مش أنا. الليلة دي مش ليلة شك دي ليلة كشف.
قبل المغرب بشوية ناديت على يوسف من البلاكونة. كان بيلعب في الشارع مع العيال جري عليا وهو واخد نفسه بالعافية. حضنته حضڼ طويل وغمست وشي في شعره
جعت يا حبيبي
آه.
تيجي ناكل مع بعض النهاردة هنعمل أكلة بتحبها.
مكرونة بالبشاميل
أيوه.
ضحك وهز راسه. وأنا بعمل الأكل كنت بحس إن إيدي بتتهز بس كنت مصممة أدي لليلة طعم بيت بيت مش ساحبه ريحة خوف.
بعد العشا قعدت جنبه على السرير قلتله بهدوء
يوسف أنا عايزة أكلمك في حاجة وإنت راجل وعاقل.
أنا مش هعمل اللي قالولي عليه أنا قولتلك.
عارفة يا نور عيني وعشان كده أنا فخورة بيك. بس من النهاردة مفيش ورق تاني. لو حد دخل أوضة ابني أو بعتله كلمة تخوفه يبقى أنا اللي قصرت وأنا مش هقصر تاني. مفهوم
بص في عيني بقلق وقال
مفهوم.
خدته في حضڼي تاني وقلتله
أي كلمة أي ورقة أي صوت تقولي فورا. وتحلفلي
أحلفلك.
خرجت من أوضته وسايباه فاتح نور الاباجورة والقرآن بصوت واطي من الموبايل وسورة البقرة بتتمتم في المكان كأنها ست كبيرة واقفة على الباب. لمېت شعري لبست حاجة مريحة واستنيته.
دق الجرس. قلبي زاد بس أنا مش هسيبه يسمع دقاته. فتحت الباب. دخل وهو باين عليه قلقان. أول كلمة قالها
مالك وشك مش طبيعي.
قلت وأنا راجعة خطوتين لورا
إقفل الباب ورا حضرتك.
قفل وبص حواليه.
إيه اللي حصل
تعالى.
مشيت قدامه للصالة وريته جهاز التسجيل والريموت واللابتوب مفتوح على لقطة سابقة وأنا عاملة Pause على نص وشه في الضوء الأحمر الخفيف للكاميرا. شاف وسكت. خد نفس طويل وبعدين قال
ده أنا!
مش عارفة إنت قولي.
أكيد فيه لعب في الفيديو.
اللعب الوحيد اللي حصل إنك لعبت بعقل ابني.
أنا! ده كلام
كلام لما يسمع ولسه ما سمعتوش.
مد إيده على اللابتوب عشان يقرب الصورة ساعتها أنا كنت مجهزة حاجة صغيرة فلاشة عليها كذا لقطة من ليالي مختلفة منها واحدة وهو بيلبس كاب وكمامة وداخل من الشباك الصغير بتاع الحمام اللي بيفتح على منورة العمارة. سحبت الفلاشة وحطتها قبل ما ېلمس حاجة. فتحت الفيديو التاني لقطة من زاوية تانية كنت مجرباها من يومين في الضلمة سيد الحبايب طالع ونازل ورايح على الأوضة مش دايما بس في الليالي اللي فيها جواب.
وهو بيتفرج وشه تغير. ساب كرسي الصالة وقعد.
انت ركبت كاميرا في الحمام!
في المنورة والكادر واخد بس فتحة الشباك. أنا مش غبية.
طب اسمعيني
بصلي كويس أنا سامعة.
سكت وبعدين قال الجملة اللي عرفت من نبرتها إن جواه اتكسر جزء
أنا كنت خاېف عليكي.
ضحكت ضحكة قصيرة.
خاېف عليا! فتخوف ابني! وتبعتله ورق تحت المخدة!
أنا ماكنتش عايز أأذيه بس كنت عايزك تبطلي ده.
تبطلي إيه
كفاية بقه! جوزك راجع بعد شهر وإنتي لسه مش مستعدة تواجهيني الحقيقة. أنا بحبك وقلت إني لازم أخوفك لازم بحد ېخوفك! لو ابنك كره اللي بتعمليه يمكن تقطعي.
يبقى أنت

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى