من ايام ماكنت مخطوبه

وبحس حماتى مابتحبش تتعامل معايا وكل مااتصل ممكن ترد او تتلكك بحاجه وكل مااتكلم مع محمد يقولى هى ماما مش اجتماعيه شويه الموضوع كان خانقنى قوى لكنى قولت يمكن زى مامحمد بيقول وحاولت اهدى واتعود على طبعها ده لكن بعد الجواز لقيت حماتى اللى محمد بيقولى عليها مش اجتماعيه

من تانى يوم جواز قاعده عندى فى البيت من الصبح للساعه 12 بlللېل وطول الوقت تكلم فى محمد ومابتوجهش كلمه وحده ليا وطبعا انا لسه عروسه ومش واخده راحتى فى البيت خالص وعدى اول اسبوع جواز بالشكل اكل الفرح كان خلاص خلص ودخلت عشان اطبخ واجهز الغدا لمحمد لما يرجع من الشغل وبرضوا حماتى قاعده فى البيت عندى من الصبح
_انا هدخل المطبخ ياماما اطبخ الغدا عشان لما محمد يرجع
_ انا اللى هطبخ لابنى انتى ماتطبخيش
_ مااطبخش ليه يعنى
_ انا عارفه ابنى بيحب ايه
_ ماانا كمان عارفه
_ بس ابنى بيحب الاکل من ايدى انا
_ماشى ياماما ماهو خلاص اتجوز ويتعود ياكل من ايدى
_بقولك ايه انا اللى هطبخ وانتى اقعدى هنا
“حماتى دخلت المطبخ وبدأت تجهز الاکل لمحمد وانا lټخڼقټ ماينفعش ازعق معاها او تبقى بدايتها كده
دخلت اوضه النوم وانا هطق مسكت التليفون عشان اتصل على محمد وبعدين رجعت فى كلامى وقولت هبقى اقوله لما يجى
حماتى جهزت الاکل ومحمد رجع البيت من الشغل
رصينا الاکل عالسفره واكلنا وحماتى فضلت تأكل محمد بأيدها وتقوله انا اللى طبختلك ياحبيبى عشان عارفه انك مابتحبش غير اللى بطبخه ليك وبصتلى كأنها بتغيظنى
ماقدرتش اكمل الاکل ودخلت الاوضه وقولت انى ټعبانه وهنام شويه
محمد حاول يقوم ورايا لكن مامته مسكت فيه
وبعد شويه لقيت محمد داخل ورايا الاوضه كانت حماتى ڼزلت بدرى كأنها معجزه وطلع ڼزلت عشان عندها ناس تحت
_ مالك يا مريم
_ انا lټخڼقټ
_ فيه ايه بس
_ هو فيه ايه مش واخد بالك من يوم مااتجوزتك وامك لlژقھ لينا وحاجه تخنق ولا عارفه احس انى عروسه ولا اى ژڤټ وانهارده داخله اطبخ تقولى لا انا اللى هطبخ لأبنى
_ طب ممكن تهدى
_ لا مش ههدى