اخت المتوفيه
طيب انتي عندك حل تاني ماهو لو معملناش كده اختك هتيجي ترمينا بره البيت ما انتي عارفه كل حاجة في ايديها هي
سهير
طيب خلاص انا موافقه بس بشرط هند تفضل في شقتها زي ماهي ماتخرجش منها يعني انت متجيش في يوم من الايام تقولي امشيها من هنا
إيهاب
طبعا الكلام ده مش هيحصل يا حبيبتي انا عمري ما اخرجها من البيت وبعدين هو انا يعني هستقوي على واحده ست
وبعدها فعلا سهير جابت هند عندها وقالت لها
سهير
انا عارفه اني انا زعلتك وغلطت فيكي بس انتي اللي عصبتيني يا هند والله
هند
سهير انا طول عمري بحبك وبقول اختي اللي مليش غيرها مش هتيجي على اخر الزمن كده وتخلينا ناكل بعض انا قولت لك اني هرجع لك كل حاجة ونصيبك كله هتاخديه بس مش وانتي متجوزة النصاب ده
سهير
اخس عليكي يا هند على فكرة بقا إيهاب مش نصاب بالعكس ده بيخاف عليا اوي طب ده اللي قالي اني اجيبك واصالحك كمان
هند
بقولك ايه انا مش باكل من الكلام ده ماشي اضحكي بيه على حد تاني يا سهير على العموم انا همشي
وجات تخرج من الباب لقت في وشها إيهاب ومعاه اتنين عاملين زي الحيطة وقالها
إيهاب
على فين يا هند هانم ده احنا لسه هنتكلم سوا كلمتين
هند
ايه ده هو في ايه ومين اللي معاك دول
ايهاب
دلوقتي تعرفي مين دول كتفوها يلا
هند
ابعدوا عني انت بتعمل ايه يا حيوان انت وهو والله لو مابعدتوش عني انا هبلغ عنكم البوليس ابعد عني منك له ابعدوووا
إيهاب
خودي امضي يا حلوه على الورق ده ااه ماهو مش هينفع انتي تاكلي حق الغلبانة دي أصلها ياعيني مش هاين عليها تعملك حاجة وتاخد حقها منك
هند
انا مش همضي على حاجة انتي عجبك كده يا سهير شايفه جوزك بيعمل في اختك ايه انتي ازاى تسمحي بكده ازاااي
سهير مردتش عليها وبصت في الأرض وايهاب قال
إيهاب
ملكيش دعوة لسهير وخليكي معايا انا اللي هرجع لها حقها منك انتي وابوكي يلا امضي
رفضت هند وهو نزل فيها ضرب هو واللي معاه ولما خلاص تعبت استسلمت ومضت وقالها
إيهاب
يلا امشي من هنا ومشوفش وشك هنا تاني يلا تمشي من البيت كله
سهير
لا لا يا إيهاب خليها في شقتها متخرجهاش بره البيت
إيهاب
انا مش عارف بس اعمل ايه في طيبة قلبك دي يا حبيبتي بس على العموم ماشي خلاص هخليها عشان خاطرك بس تاخدي منها التليفون وتفضل في شقتها ماتخرجش منها
وفعلا عمل كده وبقت هند قاعده في شقـ,ـتها مش بتخرج منها ونزلت لها سهير بالأكل وقالت لها
سهير
برضو مش عايزة تردي عليا يا هند انا كنت عايزة حقي بس ولا انتي مكنتيش عايزة ترجعي لي حقي
هند
ياخسارة يا سهير عشان تخلي عيل نصاب زي ده يعمل في اختك كده هو انا عملت فيكي ايه انا كنت هديكي كل حاجة بس من غير ده كله
سهير
والنبي يا هند بطلي كلامك ده عشان بيوجعني الله يخليكي انا مش عايزة اسمع منك حاجة
هند
انا مش خلاص مش هسمعك حاجة انا بس خلاص مبقتش عايزة حاجة ابدا اشبعي انتي بقا يا سهير ومتجيش تعيطي لما الكلب ده يرمبكي في الشارع وياخد منك كل حاجة عليه العوض ومنه العوض
وعند إيهاب بقا قاعد في المحلات وراحت له منال اللي قالت
منال
الله الله ده ايه العز ده كله يا حبيبي ايوه بقا شكلها هتحلو ولا ايه يا إيهاب اخويا وحبيبي بقا
إيهاب
طبعا اومال ايه دي هتحلو على الآخر بقولك ايه يا منال انتي من بكرة تجيبي العيال وجوزك عشان هتقعدوا في شقه في العمارة معانا انا اخترت لك احلى شقه
منال
ياحبيبي يا خويا هو ده العشم برضو ربنا مايحرمني منك اصل والله الإيجار قسم وسطي انا وجوزي خلاص ايه رايك نيجي من النهاردة ولا ايه
إيهاب
اعملي اللي تعمليه المهم انك تيجي وخلاص يلا بقا روحي دلوقتي عشان عندي شغل مهم
منال
عشنا وشوفنا ياهوبة وانت بتقول انا مش فاضي وعندي شغل ياسيدي ياسيدي اللي عطاك يعطينا
إيهاب
الله هو جرا ايه يا منال انتي جايه تقري عليا ولا ايه
منال
لا يا حبيبي انا بس كنت عايزة اقولك انت بتعمل كده والمال مال مراتك اومال لو مالك بقا هتعمل ايه
إيهاب
هعمل ايه ده انا هخلي الناس كلها تنزل تبوس رجلي هو انا بس مش عارف بقا انا هعرف اخد منها ازاى الحاجة وتبقا باسمي زي ما عملت مع اختها ولا
منال
لا لا اهدي كده وفكر انت كده كده الحلوه مراتك دي لو راحت انت اللي هتورثها طبعا يبقا خلاص نخلص منها
أيهاب
يانهار اسود انتي عايزاني اخلص على سهير وبدال ما اتمتع بالفلوس اتمرجح على حبل المشنقه لا طبعا
منال
ومين قالك بقا انك اصلا هتنكشف ولا حد هيعرف من أساسه انك عملت فيها حاجة
ايهاب
مش فاهم حاجة انتي عايزاني اخلص عليها ولا مش عايزاني اخلص عليها
منال
لا هتخلص عليها بس انا بقا هديك الدوا اللي يخليها تروح بالبطئ خالص وعند الدكتور اللي ياخد قرشين ويقول انها راحت طبيعي من غير ما حاجة تحصلها
وفعلا بقا إيهاب يحط لسهير حاجات في المشروبات والاكل بتاعها وفي يوم قالت لهند
سهير
