اخت المتوفيه

متتصوريش انا فرحان اد ايه يا حبيبتي انك وافقتي عليا انا الدنيا مش سيعاني اصلا

سهير

خلاص بقا يا إيهاب متكسفنيش الله هو ايه بقا انا بتكسف

ايهاب

يخراشي عليكي وعلى حلاوتك يا سوسو قمرر يانااااس المهم انتي لما قولتي لاختك قالت لك ايه

سهير

طبعا رفضت ما انت عارف يا إيهاب اصل هند عمرها ماجربت الحب ولا عاشتة وطول عمرها عايشة في المحلات الكبيرة بتاعت الاقمشة بتاعتنا

يهاب

ااه قولتي لي طيب وهي بقا اللي مسؤلة عن كل حاجة مش كده برضو يعني انتي متعرفيش اصلا في التجارة اللي هي مسكاها مش كده برضو

سهير

لا معرفش اصل كمان كل حاجة باسمها هي فانا بقا مش بشغل بالي بحاجة وسيباها تعمل اللي هي عايزاه

إيهاب.

انتي بتقولي ايه يعني ايه كل حاجة باسمها هي طيب وانتي فين حقك بقا اناااا يعني مليش اني اتدخل بينكم يا حبيبتي طبعا بس المفروض انك ليكي حق زيها ازاى بقا تخليها هي تاخد كل حاجة باسمها

سهير

هو بابا اللي عمل كده يا إيهاب يعني انا مليش دعوة بحاجة

إيهاب

غلطانة يا سهير رسبتي اختك لحد لما ضحكت على ابوكي وخلتة كتب لها كل حاجة على العموم انا مليش دعوة بحاجة انا بس بتكلم في ان انتي ليكي حق ولازم تاخديه

سهير

تصدق يا إيهاب انت فتحت عيوني على حاجات كتير اوي انا مكنتش واخده بالي منها خالص طيب والعمل ايه دلوقتي ده كل حاجة باسمها هي

إيهاب

هو الحل الوحيد انك ترجعي حقك منها اللي اخدته ده بالزوق بالعافيه بقا ده حاجة ترجع لك انتي

سهير

طيب ازاى انا مش هعرف اعمل كده يا إيهاب مش هعرف أقف في وش اختي هند ده ابويا كان موصيها عليا

إيهاب

بصي يا حبيبتي واضح كده انك معندكيش خبره من الدنيا دي بس هي عشان لفت في السوق وعارفه كل حاجة قدرت تضحك عليكي وتاكل عليكي حقك احنا بس نتجوز كده وبعدين انا هاقولك نعمل فيها ايه ونسترد مالك ازاى

وبعدها فعلا سهير اتجوزت إيهاب اللي مكنش عنده اي حاجة ولا شقه ولا حاجة وعاش معاهم في نفس البيت في شقه تانية وهند قالت

هند

يعني كمان جايباه البيت هنا هو انتي ليه يا حلوه مروحتيش تعيشي معاه في بيتة

سهير

وليه بقا ان شاء الله يا ست هند هو ده مش بيتي انا كمان ولا ايه ومن حقي اني اقعد في اي شقه تعجبني فيه

هند

انا مقولتش حاجة يا سهير بس ده راجل والراجل هو اللي بيجيب الشقة مش بياخد العروسة بشقتها كده

سهير

لا يا حبيبتي البيت ده بيتي وزي ماليكي فيه انا كمان ليا فيه بالظبط ولا انتي بقا عشان خليتي بابا الله يرحمة يكتب لك كل حاجة باسمك ولهفتي كل حاجة هفضل ساكتة لك لا يا حبيبتي انا خلاص فتحت عنيا

هند

ده ايه الكلام الغريب ده يا سهير انا اول مره اسمعك بتتكلمي كده انتي ازاى اصلا تتكلمي كده معايا اااه دي بقا لغة الاستاذ اللي انتي متجوزاة مش كده برضو

سهير

لا ياختي انا اللي اتعلمت وفتحت عنيا بقا ومش هسمح لك انك تاخدي كل حاجة كفايه اني سكت من بعد ابوكي ما راح وانتي نيمتيني لما قولتي انك هترجعي لي كل حاجة ليا وانا قولت لا مش عايزة حاجة بس دلوقتي بقا بقولك عايزة كل حاجة

هند

بقولك ايه يا سهير انا مش عايزة كلام كتير في الموضوع ده انا معنديش حاجة اديهالك ومش هرجع لك حاجة خصوصا بعد جوازتك دي انتي عايزاني اديكي شقا وتعب ابونا عشان تديه لواحد دةزي ده يضيعه في الهوا كده

سهير

ملكيش فيه يا هند انتي اديني حقي من سكات كده ومن غير ما نعمل دوشة ونسمع الناس بينا ويا دار ما دخلك شر

هند

انتي باين عليكي اتجننتي ولا جرا لعقلك حاجة مش كده برضو يا سهير وسعي من قدامي انا عايزة اروح اشوف اشغالي انا غلطانة اني جيت لك هنا

ومشيت هند وخرج إيهاب من جوه وقال لسهير

إيهاب

شوفتي مش قولت لك ان اختك ناوية تاكل حقك ومش هتديكي حاجة ابدا

سهير

طيب والحل ايه يا إيهاب ارفع عليها قضية ولا ايه

إيهاب

لا طبعا مش هتعملي كده لأن اصلا الورق اللي معاها سليم والمحامي هيثبت ان دي كانت وصية ابوكم قبل ما يروح فانا عندي حل تاني واللي معرفتيش تاخديه بالزوق تاخديه بالعافيه وهتشوفي

سهير

طيب يعني هنعمل ايه مفهمتش برضو

إيهاب

انتي تجبيها هنا وانا هجيب كام راجل كده ونكتفها وبعدين نخليها تمضي تنازل غصب عنها وخلاص كل حاجة تبقا بتاعتك انتي هااا قولتي ايه يا قلبي

سهير

ازاى بس يا إيهاب عايزني اجيب لاختي بلطجية لا لا شوف حل تاني غير ده

إيهاب