اخت المتوفيه
لا اله الا الله دي هي اللي انت بنقول عليها مش راضية تخلي اختها تتغسل لا حول ولا قوة الا بالله
وبعدها رحنا على البيت عندهم ودخل إيهاب جوه وعرف ان الخبر كان فعلا صحيح وايهاب فرح وقال لمنال اخته
إيهاب
شوفتي ان الحظ مساعدني ازاى يا منال الاتنين راحوا اهم يلا بالسلامة هما الاتنين انا بقا اللي هتمتع بكل حاجة لوحدي
منال
بقولك ايه انت كمان وطي صوتك لحسن الست المغسلة دي تسمعك احنا مش ناقصين نسمع كلمتين من حد انا هاقولها ندخل تعسل الاتنين ولو عايزة مساعده انا هساعدها
إيهاب
طيب بقولك ايه قبل ما تدخل المغسلة جوه عليهم ادخلي قلعي هند الدهب اللي هي لابساه اظن انا اللي أولى بيه
ورحت من وراهم وقولت
المغسلة
اومال انا هدخل امتى على المتوفين عشان اغسلهم يا بنتي يلا خليني ادخلهم عشان الحق اخلص
منال بارتباك
اااا ااه طبعا يلا ياست ام احمد ندخل عليهم انا جاية معاكي عشان اساعدك وبالمره لو في حاجة اظبطها
ودخلت معايا منال وانا حاسه انها متوترة وكانت بتقلع المتوفيه الدهب وانا قولت لها
المغسلة
لو في يا بنتي ورثة ولا حاجة الدهب ده لازم يتقسم عليهم حسب شرع ربنا
منال
هاااا اااه اااه طبعا طبعا المهم بس انتي شوفي شغلك يا ست ام احمد عايزين ندفنهم قبل الليل ما يليل علينا وعلى الناس اللي هتدفنهم
وفي الوقت ده لقيت على منال انها مش مظبوطة كده في نظراتها لهم قولت اخليها تطلع وانا اتكلم معاهم واعرف منهم في ايه وقولت
المغسلة
بقولك ايه يابنتي ما تخرجي انتي وانا هتعامل اصل انا بحب اعمل شغلي في الغسل لوحدي ومش بحب حد يساعدني
منال
اااا خلاص ماشي انا بره بقا لو احتاجتي حاجة نادي عليا عن اذنك
وخرجت وانا قولت لنفسي
المغسلة
دي شكلها ماصدقت اني اقولها تخرج من هنا يلا بس انا حاسة ان في حاجة مش سليمة انتو ايه حكايتكم بالظبط تقدروا تقوموا وتحكولي
وفي اللحظة دي الاتنين قاموا قعدوا وسهى قالت
سهير
انا غلطت في حقك يا هند حقك عليا ياختي سامحيني
هند
شوفتي عملتي فينا ايه يا سهير انتي السبب في اللي حصلي ده عشان تخليني اروح جنبك من قهرتي عليكي وكمان فكرت اني ابصمك على الورق عشان الكلب اللي انتي متجوزاة ده
المغسلة
ورق ايه وتبصيها على ايه هو انتي يابنتي عملتي ايه لاختك عشان تبصمك وانتي بين ايد ربنا كده
سهير
انا هحكي لك يا ام احمد عشان التعبان اللي انا كنت متجوزاه واخته اللي اسمها منال زمانهم فرحانين فينا دلوقتي وزمانهم نفسهم يعملوا فرح مش عزا
المغسلة
يا ساتر يارب انا برضو لاحظت انهم مرتكبين بس قولت يمكن عشان الصدمة فيكم انتو الاتنين
هند
ده حيوان هو واختة وضحكوا عليها ما تتكلمي وتحكي اللي حصل لما جيتي قولتي لي ان في واحد عايز يتجوزك
#فلاش باااك
سهير رايحة عند هند وبتقول لها
سهير
يا هند بقولك ايه انا جاي لي عريس انما ايه واد شاب زي القمر الصراحة يا هند انا حبيتة اوي وقلبي ميال ليه
هند
انتي اتجننتي ولا ايه يا سهير انتي عايزة تتجوزي بعد العمر ده كله لا طبعا انا مش موافقه على الكلام ده
سهير
وفيها ايه يعني يا هند بقولك ايه انتي طبعا مش هتبقي عايزة كده لانك اصلا متجوزتيش ولا عمرك شوفتي جواز ودفنتي نفسك بالحيا مع ابوكي في تجارة القماش لحد لما كبرتي معاه المحلات
هند
عشان عمري ما كنت بفكر في نفسي زيك كده انتي واحده طول عمرك بتفكري في نفسك وبس وعمرك ما شوفتي اختك بتعمل ايه
سهير
لا يا حبيبتي وهو انا حمارة زيك عشان افضل معنسة من غير جواز اه انا جربت حظي اول مره واي نعم الجوازة فشلت لما اتطلقت بس دلوقتي بقا اشوف نفسي
هند
يعني بعد العمر ده كله عايزة تشوفي نفسك اما والله عجايب الكلام ده انتي مش دريانة بكلامك يا سهير طيب واللي انتي ناوية تتجوزية ده بقا شكله ايه طبعا اكيد عجوز
سهير
فشررر يا حبيبتي قال عجوز قال ده شاب زي العسل وقمر كده وانا بقا مش هسيبه وخلاص هتجوز انا وهو
وبعدها راحت سهير تقابل إيهاب وقال لها
إيهاب
