اخت المتوفيه

(المغ*سلة)

انا ام احمد المغ*سلة طبعا عارفني كويس وانا النهاردة جايبة لكم حكاية غريبة جدا وقبل ما بدأ الحكاية هاقولكم اللي حصل لما روحت أزور ام اسماعيل جارتي عشان تعبانة وقولت لها

المغ*سلة

الف سلامة عليكي يا ام اسماعيل مالك يا ست الكل في ايه ده حنان مرات ابني قالت لي انك اتصلتي وبتقول انك تعبانة هو انا مش كنت معاكي من يومين وكنتي كويسة ايه اللي حصل

الجارة

هاقولك ايه بس يا ام احمد اصل اللي حصلي ده محصلش لحد قبل كده انا الضغط عندي على اوي ومكنتش شايفه فجأة كده التعب زاد جدا ورحت المستشفى وعلقولي محاليل والحمد لله اديني احسن بكتير اهو

المغسلة

طيب وهو ايه بس اللي حصل لده كله هو في حد زعلك من العيال ولا ابوهم اصل الزعل ده من حد بعينة ده اكيد يعني

الجارة

اه هو مفيش غيرة يا ام احمد اللي عمل فيا كده ووصلني لاني يحصل فيا اللي حصل ده ولما جيت اتكلم حصلي اللي حصل ده وانا اللي بدفع التمن في الزعل والمشاكل

المغسلة

هو مين يا ام اسماعيل وعمل ايه حد من ولادك ولا ايه

الجارة

لا ده جوزي قال ايه جاي وبيقولي انه عايز يتجوز حماة نادر ابني وانا اول لما سمعت الخبر منه فضلت اصوت والطم مدرتش بنفسي ياختي

المغسلة

يانهار ابيض ازاى الكلام ده وهو ازاى يجي له قلب يجي يقولك كده في وشك اي نعم هو شرع ربنا يا ام اسماعيل بس بتبقا صعبه علي الواحدة مننا

الجارة

صعبه وانهي صعبه يا ام احمد انا تعبانة من ساعتها انا حسيت ان في نار في قلبي وبعدين هو بعد العمر ده كله جاي وعايز يتجوز في السن ده انا مبقتش عارفه اعمل ايه لدرجة ان العيال اتخانقوا معاه ونادر عايز يطلق مراتة قولت له يابني ملهاش ذنب

المغسلة

طبعا ملهاش ذنب مش يمكن يكون السبب هو جوزك مش عند البنت وامها لا حول ولا قوة الا بالله انا مش عارفه اقولك ايه والله يا ام اسماعيل

الجارة

هتقولي ايه بس يا ام احمد انا عارفه ان مفيش حد هيقدر يواسيني في اللي انا فيه ده المهم انا اخر لما زهقت قولت له يروح يعمل اللي هو عايزة بس يفضل بعيد عني وانا هحرم نفسي عليه

المغسلة

لا لا مش هينفع اللي بتقوليه ده يا ام اسماعيل انتي عايزة تغضبي ربنا ولا ايه ده جوزك وابو عيالك وهو اذا كان عليه ربنا محلله ده فانتي بقا هتقفي قدام شرع ربنا لا مش هينفع استغفري ربك كده

الجارة

استغفر الله العظيم يارب انا والله مبقتش عارفه اعمل معاه ايه الراجل ده اصل الاحساس صعب برغم السن اللي احنا فيه بس برضو مش قادرة استوعب حاجة زي دي

وفي اللحظة دي خبط ابنها نادر ودخل علينا وقال

نادر

عامله ايه ياماما ازيك يا طنط ام احمد

المغسلة

الحمد لله يا حبيبي بقولك ايه يا نادر انا عايزاك تفضل جنب مامتك ياحبيبي اوعي تسيبها في الظرف اللي هي فيه ده

نادر

من غير ما تقولي ياطنط والله انا معنديش أغلى من امي دي وعلى فكرة انا كنت ناوي اطلق مراتي بسبب اللي ابويا عايز يعمله معا امها

المغسلة

لا متقولش كده يا نادر يابني انا لسه بقول لأمك دلوقتي ان مراتك اكيد ملهاش ذنب في حاجة خالص وانت لازم تكون حكيم وتوزن الأمور عن كده

وفي الوقت ده جالي تليفون شغل وانا قولت لام اسماعيل

المغسلة

طيب انا هستاذن بقا يا ام اسماعيل ياختي اصل جالي شغل وانتي قومي كده وشوفي حالك وحياتك اومال متفضليش عامله في نفسك كده يلا انا همشي بقا مع السلامة

ومشيت من عندها ولقيت راجل وست عند بيتي والست قالت لي

منال

حضرتك الست ام احمد المغسلة مش كده احنا جاين لك من منطقة تاني وكنا عايزينك تيجي معانا تغسلي مرات اخويا

المغسلة

البقاء لله يا جماعه طيب هو انا ممكن اعرف مجبتوش مغسله من المنطقة عندكم ليه هو في حاجة ولا ايه

منال

اصل الصراحة كده اخت المتوفيه مش عايزة تخلي اي حد يغسل اختها ولا اي حد يدخل عليها وعندها حالة غريبة اوي ما تتكلم يا إيهاب وتحكي لام احمد

إيهاب

اقول ايه بس يا منال انا مش عارف اخت مراتي بتعمل كده ليه وبعدين اصلا هما الاتنين طول عمرهم ما بينهم وبين بعض مشاكل لدرجة انهم كانوا يشتكوا بعض في القسم

المغسلة

ياساتر ليه كده بس متأخذنيش يعني يابني انت شكلك شاب وصغير ازاى بقا المدام بتاعتك اتوفت دي اكيد صغيرة في السن مش كده

لقيته بص لاخته وارتبك وقال

إيهاب

لا لا اصل مراتي اكبر مني بكتير يعني احم اااا اكبر في السن وانا اتجوزتها لما حبيتها اوي واختها كانت دايما تتخانق معاها بسبب انها متجوزاني لحد لما تعبت وراحت

المغسلة

اااه فهمت طيب ومالك مكسوف كده وانت بتتكلم ايه انت حد غصبك عليها ولا ايه مش اكيد انت اللي اختارتها

منال

هو فعلا اللي اختارها ياست ام احمد وانا معرفتش أقف قصاده لاني انا اختة الكبيرة وياما كنت بفضل اقولة بلاش هضيع عمرك مع واحده كبيرة في السن

المغسلة

النصيب يابنتي طيب وليه بقا اختها مش عايزة تغسلها بتزعق زي ما انت بتقول

منال

محدش عارف أصلها باين عليها اتجننت يا ست ام احمد وبعدين ده هي كمان كبيرة في السن ومتجوزتش لحد دلوقتي هي كمان

ايهاب

هما كان دايما بينهم مشاكل على الورث والفلوس دي كانت كل حاجة ليهم هما الاتنين لحد لما قلبوا على بعض بدون اسباب معروفة

المغسلة

على العموم احنا نروح بقا ونشوف ايه الحكاية اصل يا جماعه حكاية ان واحده رافضة ان اختها تتغسل دي بتخالف شرع ربنا لا حول ولا قوة الا بالله العلي العظيم

منال

ماهو عشان كده احنا جينا لك انتي بالزات عشان تيجي تتكلمي معاها وتعقليها ياست ام احمد ربنا يبارك لك يلا بينا

وفي اللحظة دي جه تليفون لايهاب ولقيته بيقول

إيهاب

لا اله الا الله أزاي الكلام ده حصل طيب يا فتحي احنا جايين اهو اقفل يلا سلام

منال

في ايه يا إيهاب فتحي بيقولك ايه هما العيال فيهم حاجة ولا ايه

المغسلة

هو مين فتحي ده يابنتي

منال

ده جوزي يا ام احمد

إيهاب

فتحي بيقولي ان هند اخت المرحومة سهير مراتي راحت جنبها دلوقتي

المغسلة