اخت المتوفيه
انا عايزة اتكلم معاكي يا هند انا عارفه اني جيت عليكي كتير اوي بس انا مش عايزاكي تبقى زعلانة مني في حاجة انا والله كنت بعمل كده عشان بدور على حقي
هند
انتي عايزة مني ايه يا سهير اتفضلي امشي من هنا عشان انا مش طايقة اشوف وشك بعد اللي انتي عملتيه فيا ده انا عارفه ان الزفت اللي انتي متجوزاه باع محلين من بتوع بابا بأمر منك انتي
سهير
ماهو اصل انا عامله له توكيل يا هند وهو عمل كده بس انا بهدلتة مسكتلوش والله لاني عارفه انه كده بيضيع شقا بابا الله يرحمة
هند
بس متجيش سيرة ابوكي على لسانك عشان ابوكي برئ منك يا سهير ومن عمايلك انتي والزفت اللي انتي متجوزاه بس الدور جاي عليكي انتي كمان وهتقعدي نفس القاعده دي
وسابتها سهير وراحت شقتها ورجع إيهاب بعد نص الليل وسهير قالت له
سهير
انت كنت فين يا إيهاب لحد دلوقتي مش عواديك تتأخر كده وفين الفلوس اللي كانت في الدولاب جوه
إيهاب
الله جرا ايه يا سهير هو انتي بتحاسبيني ليه انتي اول مره تعمليها يعني في ايه بقا
سهير
مفيش اصل انا كنت قاعده لوحدي زهقانة فقولت اسالك يعني انا شايفه ان مفيهاش حاجة ابدا اني اعرف جوزي بيروح فين وبعدين انا عايزة نرجع حاجة لهند اختي أصلها صعبانة عليا اوي
إيهاب
نرجع ايه انتي باين جرا في عقلك حاجة اسمعي ياسوسو يا حبيبتي انا مش عايزك تبقى سازجة كده انا هدخل اعمل لنا انا وانتي كوباتين عصير عشان نشربهم وننام
ودخل إيهاب وحط دوا لسهير بس زود الجرعة اوي وبعدها ناموا وتاني يوم سهير ماقامتش ومنال جابت دكتور وقالهم سكتة قلبيه وهند قالت
هند
انا عايزة اعرف اختي راحت ازاى
