
قلبت الدنيا عليه
لحد ما لقيته، بس مش زي ما كان.
الملف كان مفتوح
وفيه ورقة زيادة.
ورقة مطبوعة عليها كلام قانوني.
توكيل عام رسمي شامل
واسمي مكتوب
بس الإمضاء مش بتاعي.
إيدي بدأت ترتعش.
مين عمل كده؟ وإمتى؟
وفجأة افتكرت.
العشا.
نسرين وهي بتقرب الكوب مني وتقول
اشربي شكلك تعبانة.
أنا فعلاً حسّيت بدوخة ساعتها.
قلبي دق بسرعة.
يعني أنا اتخدرت؟!
جريت على الموبايل، وفتحت الكاميرات اللي كنت مركباها في البيت من زمان.
بدأت أراجع التسجيلات
ولما وصلت لليلة العشا
وقفت الصورة.
أحمد.
كان واقف قدام باب البيت.
وبيفتح بالمفتاح.
دخل بهدوء
وبعده بدقايق، نسرين وحماتي دخلوا وراه.
كانوا معاه نسخة مفتاح.
دموعي نزلت من غير ما أحس.
دخلوا
وقعدوا على المكتب.
أحمد طلع ورق
ونسرين كانت بتشاور على مكان العقد.
وحماتي قالت
خلاص أول خطوة تمت. باقي التوكيل وبقت في إيدنا.
حسيت إن الأرض بتتهز تحت رجلي.
ده ما كانش سكوت
ده كان تخطيط.
جوازي كله
كان تمثيلية.
قعدت أبص في الشاشة وأنا مصدومة.
وأنا كنت فاكرة إني بدافع عن نفسي
لكن الحقيقة
إني كنت متأخرة خطوة.
بس المرة دي
مش هسكت.
قفلت التسجيل
ومسحت دموعي.
وقلت لنفسي
لو هم لعبوها كده أنا هقلب اللعبة عليهم.
فتحت درج تاني
وطلعت م
لف قديم
فيه ورق عمري ما حد شافه.
ورق
ممكن يدمّرهم هما التلاتة.
ابتسمت لأول مرة من يوم اللي حصل
وقلت بهدوء
الدور الجاي دوري أنا.
يتبع
الجزء قبل الأخير
قضيت الليلة كلها صاحيّة
أعيد التسجيل مرة ورا مرة.
كل تفصيلة كانت بتأكدلي إن اللي حصل ما كانش صدفة
كان اتفاق كامل.
أحمد، نسرين، وحماتي
التلاتة كانوا متفقين عليّ من البداية.
تاني يوم الصبح، لبست وخرجت بدري.
أول مكان رُحته كان مكتب محامي.
حكيت له كل حاجة، ووريته التسجيل.
بصلي بتركيز وقال
إنتي معاكِ دليل قوي جدًا بس لازم نتحرك بهدوء.
سألته
أعمل إيه؟
ابتسم وقال
خليهم يفتكروا إنهم كسبوا.
رجعت البيت
وبعد ساعات، اتصلت بأحمد.
رد بصوت متردد
ألو؟
قلت بهدوء
تعالالي نتكلم أنا موافقة أفتح صفحة جديدة.
سكت لحظة وبعدين صوته اتغيّر
بجد؟
أيوه بس لازم ننهي كل حاجة رسمياً.
بعدها بيومين، كنت قاعدة في نفس السفرة
نفس المكان اللي اتهنت فيه.
بس المرة دي
أنا اللي كنت مسيطرة.
نسرين كانت بتضحك
وحماتي بتتكلم بثقة كأنها كسبت المعركة.
أحمد بصلي وقال
ها جهزتي الورق؟
طلعت ملف من الشنطة
وحطيته قدامهم.
كل حاجة جاهزة.
حماتي فتحت الملف بسرعة
وعينيها لمعت.
أخيرًا عقلتي.
في اللحظة دي
المحامي دخل من باب .
ومعاه اتنين شهود.
الابتسامة اختفت من على وشهم.
أحمد وقف
ده إيه؟
المحامي رد بهدوء
إجراءات قانونية بسيطة قبل التوقيع.
فتح الملف
بس مش على التوكيل اللي هم فاكرينه.
على ورقة تانية.
بلاغ رسمي.
توقيع
ودخول منزل بدون إذن.
نسرين اتجمدت.
حماتي قالت بصوت متوتر
إنتي بتعملي إيه؟!
بصيت لها بهدوء وقلت
بلعب نفس لعبتكم بس أنضف.
المحامي شغّل التسجيل.
الصوت كان واضح
كلامهم
واتفاقهم
وحتى جملة حماتي
خلاص أول خطوة تمت.
أحمد قعد على الكرسي كأن رجله ما بقتش شايلها.
منى إحنا نقدر نحل الموضوع.
لأ الموضوع خلص.
بصيت له آخر مرة وقلت
أنت ما خنتنيش بس
أنت بعتني.
قمت وقفت
وأضفت بهدوء
ودي كانت آخر مرة تشوفني فيها من غير حساب.
وأنا ماشية، سمعت صوت حماتي وهي بتصرخ
بس المرة دي
ولا كلمة منهم هزّتني.
كنت




