
أيوة، مشيت وراه زي الستات المجنونة اللي كان بيقعد يتريق عليهم.
ركبت ميكروباص ولبست كاب بتاع شهد ونضارة شمس رخيصة.
سيد نزل في شارع هادي في المهندسين، عمارات قديمة وشجر عالي.
ضرب جرس شقة.
فتحت له ست صغيرة في السن.
لا كانت ممرضة، ولا دكتورة.
كانت زي القمر، شعر طويل، ضوافر حمراء، ولابسة روب ستان بمبي.
ومن وراها طلع ولد صغير رفيع، يجي عنده 8 سنين، شايل في إيده لعبة ديناصور.
الولد صرخ بفرحة بابا!.. واترمى سيد.
حسيت إن الأرض بتلف بيا.
بابا؟
سيد جوزي؟
وقفت في ركن الشارع، رجلي بتترعش وضربات قلبي زي الطبول.
شاله
والست حطت إيدها على كتفه ودخلوا وقفلوا الباب.
فجأة كل حاجة نورت في دماغي.
البرفيوم.
السهر بره البيت بحجة الشغل.
الفلوس اللي بتختفي.
المكالمات اللي كانت بتتقفل أول ما أدخل الأوضة.
بس لسه في لغز.. ليه اسمي محطوط في ورق الولد ده؟
سيد رجع البيت متأخر. كنت قاعدة على التربيزة ومعايا كوباية شاي سادة باردة.
سألته كنت فين؟
قال بكذب كنت عند عبده الميكانيكي بنبص على العربية.
قلتله غريبة، عبده كلمني الساعة 6 يسألني على شغل.
وشه اتخطف وقال متبدأيش بقى نكد.
سألته مباشرة مين ياسين يا سيد؟
ملامحه اتغيرت.. مش مفاجأة، ده كان خوف.
قلتلك عيل في المستشفى!
والعيل ده بيقولك يا بابا ليه؟
لطشني بالقلم.
موقعنيش من طولي، بس القلم ده كسر آخر حتة كانت باقية له في قلبي.
شهد طلعت تجري من أوضتها بابا!
سيد رفع إيده كأنه هيسكتها هي كمان.
وقفت قدام بنتي زي السد إيدك متلمسش بنتي.
الحاجة زكية كانت قاعدة في الصالة متفردتش، قالت ببرود أنا قلتلك يا سيد، الولية دي هتخرب كل حاجة.
تخرب كل حاجة؟ وكأني أنا اللي مذنبة!
تاني يوم رحت المستشفى ووشي وارم وداريت الزرقان بالنضارة. قلت وقعت من على السلم. الموظفة مكنتش مصدقة بس مسألتش، وادتني إقرار موافقة عشان أمضيه.
هنا شفت المصيبة.
خانة المستفيد، كان فيه لزقة بيضاء محطوطة فوق الاسم بغشم.
قشرت حرف اللزقة بضفري.
لقيت مكتوب ياسين سيد حسن.
مش سيد.
مش جوزي.
ياسين.
نفسي انقطع. شلت الورقة في شنطتي وطلبت نسخة تانية بحجة إن دي اتبلت مية. الموظفة ادتني غيرها وهي مستغربة.
بعد الظهر رحت لمحامية أعرفها، كانت زبونتي وبتاخد مني طعمية دايماً، اسمها الأستاذة كريمة. مكتبها فوق مكتبة في السوق.
حطيت قدامها كل حاجة الصور، التسجيلات، ورق التبرع، العنوان، ولقطة لشهادة ميلاد ياسين كنت لقطتها من موبايل سيد وهو نايم.
قرت الورق في صمت.. وبعدين بصت لي بجدية يا مريم، دي مش مجرد .
أومال إيه؟
دي عملية نصب وتزوير. هما بيستغلوكي عشان تتبرعي لشخص تاني من غير علمك، ودي جريمة جنائية.
حسيت إني هترعش يعني كانوا هيفتحوا بطني وياخدوا كليتي عشان يدوه ؟
المحامية مردتش فوراً.. والصمت ده كان أرعب رد.
قالت لازم تجيبي الملف الطبي الكامل.. ومتمضيش على أي ورقة تانية.
بس سيد كان خلاص حدد ميعاد العملية.
والحاجة زكية كانت مرتبة لكل حاجة.
قبل العملية بيومين، حماتي جات بيتي ومعاها سبحة في إيد وكيس عيش في الإيد التانية، كأنها ملاك.
قالت لي عايزة بكرة تبقي هادية، ابني مش حمل قلق.
قلت لها أنهي ابن فيهم؟ سيد ولا ياسين؟
ضحكتها اختفت إنتي بتقولي إيه؟
أنا عارفة كل حاجة يا حاجة زكية.
قربت مني لدرجة إني شميت ريحة البرفيوم الرخيص اللي كانت في
هدوم سيد وقالت بفحيح اسمعي يا بت، الواد ملوش ذنب. إنتي خلاص عشتي، وخلفتي، وجسمك خلاص أدى غرضه. ياسين لسه بيبدأ حياته.
حسيت بقرف مش طبيعي
وسيد؟
سيد هيعيش بالعلاج، لكن الواد هيموت.
هنا كانت الحقيقة.
سيد مكنش بيموت زي ما فهموني.
اللي كان حالته خطر ومحتاج نقل فوري هو ياسين.
ابنه المستخبي و حفيدك الغالى
اللي يستحق كليتي أكتر من أي حد في نظرهم.
ليلتها منمتش. شهد كانت نايمة وبتقولي ماما، متروحيش.
قلت لها لازم أروح يا بنتي.
هيأذوكي.
بست راسها وقلت هما خلاص أذوني، دلوقتي جه الوقت أعرف هما وصلوا لحد فين.
الصبح دخلت المستشفى ومعايا دوسيه في إيدي، وموبايلي بيسجل ومستخبي في لبسي.
قاسوا الضغط.
لبسوني الروب الأزرق.
سيد كان في الطرقة، وشه مخطوف بس واقف على رجله.
وجنبه كانت الست اللي ضوافرها حمراء، بتعيط.
الحاجة زكية كانت بحنية مشفتهاش منها في 10 سنين جواز.
الولد ياسين مكنش موجود.
لما الممرضة قربت بالملف وقالت لي إن المستلم مش جوزي، مثلت إني متفاجئة نص مفاجأة.
النص التاني مني كان مات خلاص.
قلت لها بصوت عالي عايزة أشوف الملف ده.
ممنوع يا مدام.
نادي لي الأمن.. وكلمي المحامية بتاعتي.
سيد ظهر في الباب مريم، بلاش فضايح.
بصيت له وأنا لابسة لبس العملية، والكانولا في إيدي، وجسمي بيرتجف من الغل كنت عايز تدبحني زي البهيمة عشان تدي كليتي لابنك من واحدة تانية؟
الست اللي ضوافرها




