
الظابط اتنهد وطلع نوت بوك صغير من جيبه وقالي المعمل فحص الكوباية.. المادة اللي كانت فيها عبارة عن مركب كيميائي بيستخدم في التنويم المغناطيسي وغسيل الدماغ.. مادة بتخلي الضحېة مطيعة تماماً وبتفقدها القدرة على تكوين ذكريات واضحة للي بيحصل وقت تأثير الدوا.
حطيت إيدي على بوقي وشهقت غسيل دماغ؟! لبنت عندها خمس سنين؟! ليه؟!
ده اللي إحنا بنحاول نفهمه. الظابط كمل كلامه وصوته بقى أكتر جدية لما فتشنا الحمام، لقينا بلاطة في الأرضية تحت البانيو بتتحرك. لما شلناها.. لقينا صندوق حديد مقفول برقم سري.
صندوق؟ أنا عمري ما شفت صندوق زي ده!
كسرنا الصندوق يا مدام.. واللي جواه هو اللي خلاني أجيلك فوراً.
الظابط فتح ملف كان ماسكه في إيده، وطلع منه مجموعة صور وحطها قدامي على الكرسي.
نزلت عيني أبص على الصور.. وحسيت إن قلبي هيقف بجد.
الصور مكنتش لصوفي.
كانت صور ل تلات بنات تانيين.
بنات في نفس سن صوفي تقريباً، كلهم شعرهم كيرلي ناعم، وكلهم ملامحهم قريبة منها بشكل مرعب. وفي كل صورة، كانت في بنت منهم قاعدة في بانيو.. ونفس التايمر ونفس الكوباية الورق محطوطين على الحرف!
مين دول؟! صړخت بصوت مكتوم.
دي المشكلة يا مدام.. الظابط طارق قالي وهو بيبص في عيني بتركيز شديد التلات بنات دول، متبلغ بغيابهم في ولايات تانية من أكتر من عشر سنين. ومحدش عرف يوصلهم لحد النهاردة.
الدنيا دارت بيا. الكرسي اللي أنا قاعدة عليه حسيته بيقع في بير ملوش قرار.
إنت قصدك.. إن مارك.. مارك بيخطفهم؟
مارك؟ الظابط رفع حاجبه باستغراب، وطلع ورقة تانية من الملف. الصندوق مكنش فيه صور بس.. كان




