عام

بقلم محمد عبده

مسكت موبايلها، وطلبت رقم.

—أيوه يا أستاذة مروة؟ أنا جاهزة… كل اللي اتكلمنا فيه هيمشي النهارده.

حماتها قربت منها بعصبية:

—إنتِ بتتكلمي مع مين؟!

—مع محامية… عشان أبدأ إجراءات

الكلمة نزلت تقيلة في الجو.

—طلاق؟! إنتِ اتجننتي؟ ده ابني!

—وابنِك خانني… وإنتِ غطّيتي عليه.

في اللحظة دي، الباب اتفتح…

محمود دخل وهو بيضحك في الموبايل:

—حبيبتي، هبقى أكلمك بعدين…

وقف فجأة أول ما شاف داليا واقفة قدامه، والملف في إيدها، والهدوء الغريب اللي مالي المكان.

—في إيه؟ إيه الجو ده؟

داليا قربت خطوة، وحطت الصور قدامه على الترابيزة.

—إيه ده؟

بص عليهم… ووشه اتغيّر في ثانية.

—داليا… أنا ممكن أفسّر—

—ما تتعبش نفسك.

صوته بدأ يعلى:

—دي مش زي ما إنتِ فاهمة!

—أمال إزاي؟ حضن وبوس ومريلة بيتي؟

حماته دخلت في الكلام بسرعة:

—يا بنتي ما تكبّريش الموضوع! الرجالة—

داليا قاطعتها لأول مرة بصوت حازم:

—لو سمحتي… دي مش مشكلتك.

الصدمة ظهرت على وش الاتنين.

داليا كملت بهدوء قاتل:

—أنا مش جاية أتناقش… أنا جاية أبلغك.

سكتت لحظة، وبعدين فتحت الملف، وطلعت الورق.

—دي كشوف الحسابات… ودي ورقة بإمضتك إن فلوس الشقة من ورثي.

محمود حاول يتمالك نفسه:

—يعني إيه؟

—يعني الشقة دي… نصها بتاعي قانونًا، ونصك ممكن يروح لو المحكمة حكمت لصالحي.

حماته صرخت:

—إنتِ ؟!

—لا… أنا بنفّذ حقي.

داليا بصّت لمحمود مباشرة:

—أنا رافعة قضية طلاق… ومعاها قضية نفقة وتقسيم ممتلكات.

الصمت نزل تقيل…

لكن داليا ما خلصتش.

—وفي حاجة تانية… لو حبيت أستخدم الصور دي رسميًا، وضعك القانوني مش هيكون لطيف خالص.

محمود بلع ريقه، لأول مرة الخوف يظهر عليه بوضوح.

—إنتِ مش هتعملي كده…

داليا ردت بهدوء:

—جربني.

لحظة واحدة كانت كفيلة تغيّر كل حاجة…

الست اللي كانوا فاكرينها ضعيفة، بقت أقوى منهم الاتنين.

وبينما محمود واقف مش عارف يتكلم…

داليا أخدت شنطتها، ووقفت عند الباب.

—عيد ميلاد سعيد ليا.

وخرجت… من غير ما تبص وراها.

لكنها ما كانتش تعرف إن الخطوة دي… هتفتح باب لسر أكبر بكتير من مجرد خيانة…

يتبع…

الجزء الثالث

تابع المقال

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى