
اللي كان لازم أعمله من زمان.
حماتها صرخت
إوعي! هتفضحي ابننا؟!
ندى بصتلهم بثبات
اللي عمل كده بنفسه هو اللي فضح نفسه.
رفعت الموبايل وضغطت رقم.
كريم جري عليها
ندى، اقفلي الخط!
لكنها كانت خلاص بتتكلم
أيوه، عايزة أبلغ عن تزوير وتلاعب في حسابات بنكية باسمي
سكتت لحظة، وبصت لكريم وهو واقف مصدوم
والعنوان هبعته حالًا.
المكالمة خلصت.
الصمت رجع بس المرة دي كان مختلف.
المرة دي مفيش حد مسيطر.
ندى أخدت شنطتها بهدوء، وفتحت الباب.
وقبل ما تخرج، قالت جملة واحدة
الطيارة لسه فاضلها وقت بس العد التنازلي الحقيقي بدأ دلوقتي.
وسابتهم واقفين
بين صدمة وخوف ونهاية عمرها ما كانت في حساباتهم.
ندى نزلت السلم بسرعة، قلبها بيدق بعنف بس خطواتها كانت ثابتة.
أول ما وصلت الشارع، وقفت تاكسي
المطار لو سمحت بسرعة.
ركبت وهي بتبص في موبايلها. إشعارات بتوصل ورا بعض مكالمات من كريم، من حماتها، وحتى من رقم غريب. لكنها عملت صامت.
بعد عشر دقايق، وصل لها إشعار جديد من البنك.
تم إيقاف بعض العمليات مؤقتًا لحين المراجعة.
ابتسمت لأول مرة من الصبح.
بدأنا.
في الشقة، كان التوتر وصل لأقصاه.
كريم كان ماشي رايح جاي
إنتي السبب! ليه دخلتيها في الموضوع بالشكل ده؟!
أمه ردت بعصبية
أنا؟! مش إنت اللي كنت بتسحب فلوسها وتقول كله تحت السيطرة؟!
كنت ناوي أرجّع كل حاجة!
إمتى؟ بعد ما تتحبس؟!
سكت لأنه لأول مرة مش لاقي رد.
وفجأة الباب خبط.
اتجمدوا مكانهم.
كريم قرب بحذر وفتح
اتنين واقفين قدامه.
أستاذ كريم؟




