2 عصير قصب لو سمحت عينيا يا قمر هند صحبتي قربت مني وقالت بصوت واطي هو ماله الراجل دا بيبص لك كدا يا بت يا سماح اصل عينه مني ااه قولتيلي عشان كدا جيباني اشرب من عنده عصير ومش هتدفعي طبعا فشر انتي تعرفي عني كدا أحلى كوبايتين عصير للهوانم كنت واقفه بشرب العصير وانا بلاغيه وبغمزله
بصراحه كنت عاوزه أوقىعه أكتر
الواد ابوه صاحب أكبر محل عصير في الحتة
والزباين عندهم طوابير وهو وحيد ابوه وامه
كان لازم اتقل عليه عشان أوقىعه فيا
حاول معايا كتير وجاب نمرتي معرفش منين
بس انا كنت بصده ..اصله واد لعبي ومش بتاع جواز
لازم أجيبه على بوزه ويتقد.م لي ..اه مانا مش زي البنات الشىمال اللي يعرفهم
بس لما بحس انه خلاص ابتدى يزهق وييأس
بعدي عليه واشرب من عنده عصير ..والاغيه بضحكه
ولا بغمزة عشان يحن من تاني
هنيا يا قمر
شكرا
ايه دا ..لا والله ما حصل
هو ايه لاطبعا لازم تاخد الحساب
ميصحش ابدا يا انسه سماح
وبعدين بقى يا حسنين هو انت مش عايزني أشرب
من عندكم تاني ولا أيه
ها ..لا طبعا المحل وصاحب المحل ملكك
بس انتي عد.م اللمؤاخذه يعني معرفتنيش بالأستاذه
دي ..دي هند صاحبتي ساكنه في الحارة اللي ورانا
عند المقام ..أتعرفت عليها من اسبوعين
وبقينا زي الاخوات
اهلا بيكي ..نورتي المكان
هند قالت له بقنعره
اه ..متشكره ..مش يلا بقى يا سماح
طيب بالأذن بقى يا حسنين
أذنك معاك يا جميل
وقفت توكتوك وطلعنا على المحل اللي بتشتغل فيه
هند ..محل هىدوم قالت لي انها شغالة فيه من سنه
ومحتاجين وحده تشتغل معاهم ..مكان البنت اللي اتجوزت
ومشيت ..روحت معاها وقابلت صاحب المحل
واتفقت معاه ع المرتب وساعات الشغل ..وقالي
شهر تحت الاختبار لو نفعتي معانا
هزودلك الق\بض
الشغل كان 10 ساعات ..كنت انا وهند مع بعض
والأمور كانت تمام ..اشتغلت لمدة اسبوعين
والأمور كانت تمام ..انشغلت في المحل
والشغل الجديد ونسيت حسنين شوية
ومبقتش أعدي عليه في المحل ..خصوصا
وان بيتنا كان ليه طريق تاني غير طريق المحل بتاعهم
صاحب المحل كان أكبر مني ب 20 سنه
زوجته كانت مريضه فكان مش بييجي على طول
وسايب الشغل لأبن أخته ..اسمه علاء
شاب رخم كدا وملىزق وعينه عليا في الرايحه والجاية
هند قالت انه حاول معاها قبل كدا ..بس هي شدته
ومن ساع.تها عرف انها ملهاش في الشىقط
وافتكر اني انا سهله ..حاول يستظـ,ـرف أديتله فوق د.ماغه
اشتكيته لخاله وقالي متزعليش منه
انا هخليه ميتكلمش معاكي تاني ..صاحب المحل
كان اخلاق ومحترم عكس الزفىت ابن اخته دا
لكن بعدها بكام يوم م\اتت مراته ..وزعل اوي
وقرر يقفل المحل فترة ..كان بيحبها أوي
قال معلش شهر كدا لحد ما اعرف افوق
من الصد.مه ومتقلقوش مرتبكم ماشي
رجعت البيت تاني وابتديت اتخنق من القعدة
كنت خلاص أخدت ع الخروج والروح والجي
في يوم كنت عند هند زورتهم في بيتهم
وقعدت معاها وقالت لي في عريس متقد.م لها
شاب من عندهم باين عليه طيب وابن حلال
قولتلها الف مبروك وربنا يتمم لك بخير
طبعا لما أرجع وأحكي لأمي ..هتسود عيشتي
وتقولي شايفه البنات اللي بتفرح أهاليهم وبيتخطبوا
وانتي كل ما حد ييجي بترفضيه
وانا كنت برفض عشان مستنيه حسنين
دا يحس على د.مه وييجي يتقد.م
حسنين !! انا أزاي نسيته الفترة دي
لازم أعدي عليه وانا راجعه واشو..فه
زمانه نسيني او في وحده غيري وقعته
الكلام خدني والقعده مع هند وكلامها
عن خطيبها ..والساعه قربت على 11 قولتلها
معلش بقى انا مضطرة أمشي عشان اتأخرت
نزلت من عندها وقولت انا هعدي عليه الأول
وألمح له بقى أن في حد متقد.م لي يمكن يحس على د.مه
عديت المرة دي من الشارع بتاعهم
ولقيت العصارة مقفولة ..و..في شادر عزا
قريب من بيتهم ..ماهو بيتهم فوق العصارة
قلبي أتق\بض …قربت بسرعه من العزا
ولقيته واقف بياخد العزا وشكله حـ,ـزين
اول ما شافني ..خرج ومشي ورايا
ووقفنا عند العصارة وانا بقوله
خير مين م\ات
قالي وهو حزين
ابويا م\ات أمبارح
لا اله الله الله ..أنا الله ونا اليه
—
راجعون
البقاء لله …معلش انا مكنتش اعرف
ماهو لو بتسالي كنتي عرفتي
معلش اصلي اشتغلت في محل ملابس
مع هند صاحبتي اللي كانت معايا اخر مره
وانشغلت اوي ..حقك عليا
ماشي ..المهم انتي عامله ايه
انا بخير ..عايزاك انت بس تشد حيلك
وتتماسك كدا ..وربنا يجعلها اخر الاحزان
ربنا يخليكي ..انا كنت عايز اقولك حاجه
خير اتفضل !!
بصراحه مش عارف
ايه قول في ايه
اصل الموقف مش مناسب بصراحه
حسيت انه عايز يقولي وحشتيني
بس محرج عشان عز والده والظرو..ف
بصيت له وقولتله..على فكرة وانت كمان وحشتني
ايه دا بجد !!
اه
وعرفتي أزاي انك كنت هقول كدا !!
حسيتها ..انا اكتر حد يفهمك من عنيك
حسيت بفرحه في عنيه رغم حزنه على مو*ت والده
قالي انا كمان في كلام كتير جوايا
بس مستني الظرو..ف دي تعدي وهكلمك
اه ..بس متتأخرش بقى عشان ..
عشان ايه
اصل في واحد متقد.م لي واهلي موافقين
بس مستنيين ردي
لا ..اوعي توافقي ..
ليه
عشان انا هتقد.م في أقرب وقت ..بس معلش
الظرو..ف زي مانتي شايفه
طيب خلاص انا هرفضه .
وانت حاول تيجي قريب وممكن نكتفي بقراية
فاتحه بس في الأول كدا ع الضيق يعني
طيب ماشي ..خلي بالك من نفسك
معلش مضطر أستأذن مينفعش أغيب اكتر من كدا
على العزا
اه طبعا ..وانت كمان خلي بالك من نفسك
فات كام يوم ..والعزا خلص
وهو متصلش ..لا حس ولا خبر
كلمته كذا مرة موبايله مقفول
كنت محتاره هو في ايه
بعد أسبوع قولت مفيش فايده لازم أنزل
وأشو..فه واعرف ماله
عديت من عند العصارة لقيته مش موجود
دخلت المحل لقيت والده هو اللي قاعد
اتخضيت ووقفت متبرجله
بص لي بأستغراب وقالي مالك يا بنتي في حاجه
وقفت مبرقه وانا مش مستـ,ـوعبه ..أزاي كان عزاه
من اسبوعين وواقف دلوقتي قدامي
مالك يابنتي
لقيت واحد من اللي شغالين في المحل بيقول
في حاجه ياحج
قاله مش عارف مالها
طب ارتا انت يا حج وانا هشو..فها
خرج وقعد ع الكرسي وقعد عليه وهو حزين
خير يا انسه سماح
هو انت تعرفني
اكيد طبعا ..دا المعلم حسنين كان بيكلمني
عنك دائما …وانا شو..فتك كذا مرة جيتي هنا عندنا
كان بيكلمك..هو حسنين فين
قالي بأستغراب
هو حضرتك متعرفيش !
اعرف ايه انا …
وبعدها لمحت وراه صورة حسانين
متعلقه ع الحيط وعليها شريطه سودا
بلعت ريقي بصعوبة وانا مش مصدقه وهو بيقولي
حسنين م\ات من حوالي عشرين يوم في حاد\ثه
ووالده زي مانت شايفه كدا من ساع.تها وهو حزين
على ابنه الوحيد
حسنين م\ات !!
الله يرحمه كان ناوي يتقد.م لك قريب اخر مره جاب
سيرتك فيها معايا
ساع.تها انتبهت لحاجة غريبة مكنتش لاقيه ليها تفسير
واحنا واقفين مع بعض ليلة العزا
انه مكنش ليه ضل على الحيط منعكس من الاضاءة بتاع.ت عمود النور اللي كنا واقفين تحته
انا بس اللي كان لي ضل !!
تمت
بدون ظل
حماده هيكل
