كنت طالعة على السلالم

اتجوز مين.. يارا !!! ملقتيش غير دي يا ماما أيوة يا عمر. مالها يارا يا ابني.. بنت عمك ومافيش في أدبها وأخلاقها وهتصونك يا حبيبي. لا لا لا.. انسي! قال يارا قال دي دايما شكلها متبهدل و مش حلوة.. يا عمر يا حبيبي.. هي بس مش مهتمة بنفسها لأنها مشغولة دايما في شغل البيت وأخواتها.. من يوم أمها وأبوها اتوقوا وهي اللي شايلة البيت وأخواتها الاتنين وبعدين انت عارف كويس ان يارا من صغرها وهي جميلة.

يا ستي على راسي.. بس جواز لا أنا مش هتجوز غير واحدة عجباني وبحبها.. مش هتجوز واحدة علشان أشفق عليها أنا.
يا ابني.. يارا دي ست البنات والله ماهتلاقي حد يصونك ويقدرك غيرها.
لا يا حبيبتي اقعدي انتي كده بس.. وأنا هلاقي إن شاء الله.
كنت طالعة على السلالم للسطح وسمعتهم بالصدفة.. كنت بسمعهم ومصدومة من كلام ورأي عمر فيا.. ازاي جاله قلب يقول عني كده كلامه وجعني وكىسرني.. لما القريب مني بيقول عني كده.. الغريب هيعمل إيه
يارا!!.. انتي هنا من امتي
الدموع كانت في عنيا.. اتوترت لما لقيته فتح الباب فجأة معرفتش أنطق.
ماتنطقي يا يارا.. عايزة حاجة
رديت عليه بصوت مخنوق
اه.. انا.. انا كنت جاية أسأل مرات عمي لو عندها حاجة عايزة تطلعها السطح اخدها معايا.
ماما تعالي شوفي يارا عايزة إيه.
نادي علي امه.. وهو بيبصلي كأنه مش قايل حاجة عليا من ثواني ولا كأنه كىسرني وجرحني بكلامه.. ونزل من قدامي عادي…شوفت في عيونه الجحود والقىسوة .
تعالي يا يارا يا حبيبتي.. تعالي.. عايزة حاجة ياحبيبتي
بصتلها وانا عنيا بتقولها.. ازاي ابنك بالجحىود ده ازاي قىاسي كده.. عنيا كلها وجىع.. بقالي 24 سنة عايشة في البيت ده.. أول مرة اعرف إن عمر شايفني كده وأول مرة أسمع كلمة تجىرحني وتكىسرني بالشكل ده.
لا يا مرات عمي.. انا كنت طالعة السطح عندك حاجة عايزة تطلعيها فوق.
لا يا حبيبتي.. تسلميلي.. طيب تعالي اقعدي شويه.
بلعت ريقي وانا في حلقي.. غصة خنقاني ومش عارفة اتكلم وصوتي باين عليه الخىنقة.
لا مرة تانية يا مرات عمي.. أصل عايزة انزل اعمل الغدا لماهر أخويا قبل ما يروح الشغل.
مش عايزة أي حاجة يا حبيبتي.. انزل اساعدك.