الجزار

حسيت اني اتشليت مكاني, وبالأخص لما شوفت المقص ممسوك في ايدها من المكان الحاد وايديها بتنزف دم, سابتني ومشيت وكل اللي طلبته حاجة واحدة بس, قالتلي انها عايزة عشرة كيلو لحمة يوميا وإلا هتاكل من لحم جسمها, أو اللي قال هو الصوت الرجولي اللي بيطلع منها..

وعدت الليلة وروحت المحل وشوفت في عيون كل الناس نظرات غريبة أوي, وحقيقي بقيت مكسور وسط الناس, واتحولت حياتي لجحيم, أروح يوميا بعشرة كيلو لحمة, اللي هما تقريبا مكسب تلت أيام, واصحا في نص الليل الاقي بنتي بتاكل فيهم بطريقة بشعة, وتصحا الصبح مريضة وتفضل تتألم وترجع دم..

وتفضل تستغيث بيا وتتكلم بصوت وعد, أما بالليل فكان صوتها يقلب ذكوري, وتاكل لحمة نية, وافضل أسمع ضحكها من المطبخ اللي كان بيرعبني, ولما عجزت في مرة أجيب اللحمة سمعت صراخها بالليل ولقتها بتعور نفسها وبتشرب من الدم اللي بينزل منها..

المنطقة كلها عرفوا انها ملبوسة, وحياتي اتدمرت وسُمعة المحل اتض-ربت, كبرت يجي 20 سنة, وبقيت بم-وت بالبطئ, لحد ما جتلي في يوم السوق بتضحك بهيستريا وحذرتني وسط الناس إني أرجع البيت ومش معايا اللحمة..

وقعدت على الأرض وحطيت ايدي على راسي, دعيت ربنا إني أم-وت وبدأت أبكي زي العيل الصغير, افتكرت لما ابويا كان بيطلع أربعة كيلو تقريبا يوميا وكان الشغل مبيخلصش, انا دلوقتي مبشتغلش وبطلع عشرة كيلو, هو ده الستر اللي ابويا كان بيشتريه فعلا ؟؟

ده الستر ده طلع أغلى من كنوز الدنيا كلها, في الوقت ده لقيت راجل كبير بيطبطب عليا وبيقولي, ادبح يابني دبيحة لوجه الله وفرقها على الناس, وفيها الشفا ان شاء الله, سألته أجيب الفلوس منين, قالي اتصرف ومنها الشفا والرزق يابني..

وقمت من مكاني وملقتش غيره, الحاج شاكر صاحب ابويا وكبير المدبح, روحتله وقولتله إني في كرب وعاوز 30 الف اشتري عِجل سلف, وقتها بص ناحيتي وقالي بالنص

“عشان خاطر أبوك لو هديله عمري قليل عليه, اما عشانك فانت متستحقش جنيه واحد, بس انا هديك الفلوس عشان خاطر عضم الراجل الطيب في تربته”
وخدت الفلوس وانا مكسور وجبت الدبيحة ودبحت, ولفيت على بيت بيت من الناس الفقيرة بتوع زمان, بوست على راسهم واحد واحد وطلبت منهم يسامحوني وادتهم اللحمة, قولتلم ادعوا لوعد وادعولي ربنا يرفع عني, وطلعت من عندهم حاسس اني غسلت قلبي, الضيق اللي كان في صدري راح, روحت صليت العشا وبكيت بين ايدين ربنا ورجعت بيتي..

وعلى الفجر لقيت وعد بتصحيني وحالتها صعبة أوي, كانت بتم-وت, وقالتلي انها شافت حلم غريب أوي, وصفتلي زريبة انا أعرفها وقالتلي شوفت فيها ثعبان اسود عايز يطلع من تحت الأرض, ودخلت نامت, فضلت حيران أوي من الحلم ده وحكيته لراجل عجوز عدى عليا في المحل, قالي أروح الزريبة واحفر يمكن يكون علامة على حاجة..

وروحت الزريبة وحفرت في الأرض, وكانت الطامة الكُبرى, لوح كتف, عضمة كبيرة مرـ,ـسوم عليها طلـ,ـاسم واسم بنتي, والمصـ,ـيبة ان العضمة كانت مجـ,ـروحة من النص, هي نفس العضمة اللي اتباعت من عندي, راحت للسـ,ـاحر, واتعمل عليها السـ,ـحر, وكان السـ,ـحر من نصيب بنت بائع العـ,ـضمة اللي أكيد حد بيكرهه عمله ليها ليلة دخلتها..

وقعت على الأرض وفضلت أبكي كتير أوي, لحد ما خدت العضمة وكسـ,ـرتها, وعلى بالليل بنتي قامت وخدت دش وقالتلي انها مبقتش تعبانة وحاسة إن الوجع كله راح, روحي ردت فيا تاني وحضـ,ـنتها وبكيت كتير أوي, بس كان فيه هم أكبر مش عارف هعمل فيه ايه, الديون اللي عليا دي كلها والحالة المادية..

ومن تاني يوم نزلت وعد المحل, وواحدة ست أول ما شافتها زغرطت في الشارع, والناس اتجمعوا وبدأوا يباركوا ويضحكوا, شوفت سعادة غريبة في عيون الناس, وفي لحظة لقيت الحاج شاكر باعت عِجل تاني حلاوة شفاء وعد اللي كانت روحه فيها زمان أيام جدها, واتدـ,ـبح العِجل واتباع كله بعد تلت ساعات من فرحة الناس ببنتي, حتى كل اللي كان مبيشتريش وبطل يشتري مني أول ما شاف وعد وافتكر أيام ابويا من ريحتها اشترى, وسددت تمن العجل الأول يومها, والعجل التاني الحاج شاكر رفض ياخد فيه جنيه..

وخلال شهر المحل اشتغل والدنيا اتظبطت, وحلفت لهطلع يوميا 10 كيلو لحمة نشتري بيهم ستر أكبر, وبقيت بعمل زي ابويا زمان, بوزع على الناس, وكل ما كنت بوزع كان الشغل بيكبر لدرجة إني في يوم واحد دبحـ,ـت عجلين الشهر ده, ولقيت خطاب كتير جايين طالبين ايد وعد, وربنا قدرني وجوزتها..

بحي حكايتي بعد العمر ده عشان اقولكوا يعني ايه بنشتري الستر بالصدقات, وان الستر ده أغلى من كنوز الدنيا, بنتك اللي اتجوزت بدون مشاكل ده ستر..
شغلك اللي انت مكمل فيه وبترزق منه بقبض شهري بدون مشاكل ده ستر..
نومك بالليل بدون قيود أو خوف ده ستر..
اشتروا الستر, اشتروه ولو بكنوز الدنيا كلها, اشتروا الستر واتصدقوا لله ومتخافوش, الصدقات اللي كانت سبب في تفريج كربي هتبقا سبب في تفريج كرباتكم..

واوعى تكون زي أصحاب الجنة اللي بعد م-وت أبوهم رفضوا يطلعوا الفاكهة للناس وراحوا بالليل يحصدوا المحصول لقوا الحديقة عبارة عن خرابة, محدش يمنع الصدقات لأننا كلنا فقراء لله وكل دي أرزاقه..
بقلم: أحمد محمود شرقاوي
……………….
إِنَّا بَلَوۡنَٰهُمۡ كَمَا بَلَوۡنَآ أَصۡحَٰبَ ٱلۡجَنَّةِ إِذۡ أَقۡسَمُواْ لَيَصۡرِمُنَّهَا مُصۡبِحِينَ (17) وَلَا يَسۡتَثۡنُونَ (18) فَطَافَ عَلَيۡهَا طَآئِفٞ مِّن رَّبِّكَ وَهُمۡ نَآئِمُونَ (19) فَأَصۡبَحَتۡ كَٱلصَّرِيمِ (20) فَتَنَادَوۡاْ مُصۡبِحِينَ (21) أَنِ ٱغۡدُواْ عَلَىٰ حَرۡثِكُمۡ إِن كُنتُمۡ صَٰرِمِينَ (22) فَٱنطَلَقُواْ وَهُمۡ يَتَخَٰفَتُونَ (23) أَن لَّا يَدۡخُلَنَّهَا ٱلۡيَوۡمَ عَلَيۡكُم مِّسۡكِينٞ (24) وَغَدَوۡاْ عَلَىٰ حَرۡدٖ قَٰدِرِينَ (25) فَلَمَّا رَأَوۡهَا قَالُوٓاْ إِنَّا لَضَآلُّونَ (26) بَلۡ نَحۡنُ مَحۡرُومُونَ (27) قَالَ أَوۡسَطُهُمۡ أَلَمۡ أَقُل لَّكُمۡ لَوۡلَا تُسَبِّحُونَ (28) قَالُواْ سُبۡحَٰنَ رَبِّنَآ إِنَّا كُنَّا ظَٰلِمِينَ (29) فَأَقۡبَلَ بَعۡضُهُمۡ عَلَىٰ بَعۡضٖ يَتَلَٰوَمُونَ (30) قَالُواْ يَٰوَيۡلَنَآ إِنَّا كُنَّا طَٰغِينَ (31) عَسَىٰ رَبُّنَآ أَن يُبۡدِلَنَا خَيۡرٗا مِّنۡهَآ إِنَّآ إِلَىٰ رَبِّنَا رَٰغِبُونَ
بقلم: أحمد محمود شرقاوي..
…………..

لو عندك أي حكاية غريبة أو مخيفة حصلت معاك أو مع حد تعرفه وعاوزني أكتب عنها في قصة بكرة كل اللي عليك إنك تبعتلي على الخاص كل اللي تعرفه عن الحكاية أو الموقف المخيف ده بدون استئذان وتأكد اني هشوف رسالتك بأمر الله..

3 من 3التالي
تابع المقال

شاهد أيضاً
إغلاق
زر الذهاب إلى الأعلى