كل لما اجيب شغاله تحم-ل

الاب
ليه يا هاله يا بنتي بتعملي كده انا واثق ان جوزك مستحيل يعمل كده جوزك ابن حلال بيعرف ربنا مستحيل يعمل حاحه تغضبو
هاله
غصب عني يا بابا انا دماغي هتتفرتك وبالذات البنت دي من ساعت ما اشتغلت في البيت ومكنتش بتروح اي مكان
هيكون مين الي عمل فيها كده التفكير هيجنني
الاب
هوني علي نفسك بس الي انا اعرفو ان انا متاكد ان جوزك مستحيل يعمل حاجه زي كده عماد كويس انتي تحمدي ربنا ان واحد زيوو في حياتك
هاله
عندك حق يا بابا علي العموم متشغلش بالك اول ما يجي بالسلامه انا هكلمو
وانا كنت عند سحر من شويه والبنت الي شغاله عندها عندها اخت لو كده هتبدا تشتغل في البيت من بكره
الاب
انا عارف ان متقل عليكي يا بنتي وبالذات فيكي الي مكفيكي بس انا مليش غيرك انتي واختك
هاله
يا خبر دا كلام يا بابا دي لو مشلتكش الارض هشيلك في عيوني تعالي بس لما ادخلك اوضتك تستريح وبعد كده اجيب ليك الغدا علشان تاخد العلاج
وبروح مدخلاه جوه وبدخل علي المطبخ
وتاتي يوم بتيجي سحر ومعاها مريم
سحر
ادي مريم اهي الي قولتلك عليها وعلي فكره هيه بنت كويس وهترفع راسي مش كده يا مريم
مريم
طبعا يا ست هانم وكل الي هيه عاوزاه انا تحت امرها فيه
هاله
انا كل الي انا عاوزاه الامانه وان انتي تخلي بالك من بابا واي حاجه تحصل تقوليها ليا متخافيش اي حاجه اي حاجه
سحر
روحي انتي يا مريم ادخلي اعملي لينا كوبايتين عصير انا وهاله
سحر
علي فكره غلط الي انتي بتعمليه ده كده هتخلي البنت تشك ان في حاجه
هاله
غصب عني يا سحر من ساعت ما حصل الي حصل وانا دماغي عماله تودي وتجيب اي الي حصل للاسمها ندي
سحر
طالما انتي شاكه في جوزك ممكن يكون عمل حاجه زي دي يبقي مفيش الا حل واحد ان انتي تركبي كاميرات
واهو لو خرجتي يبقي ليكي عين جوه البيت وشايفه اي الي ببحصل من جوه
.هاله
تصدقي ان انتي عندك حق كانت راحت فين الفكره دي عن دماغي بس علي العموم اشوف الحوار ده وربنا يسهلها
هو انتي مش هتدخلي تشوفي بابا وبتطمني عليه
سحر
انتي عارفه ابوكي اد اي زنان ولو شافني هيشبط فياا علشان اخدو معايا وبالشكل ده مش هاخد راحتي انا واسلام
هاله
بقولك اي اعملي الي تعمليه انتي حره انا مش هطلب منك حاجه بعد كده وعلي فكره هتتحاسبي علي الي بتعمليه ده
سحر
بقولك اي انا همشي علشان انا عارفه كويس ان انا مش هخلص من محاضراتك دي ومش عاوزه دماغي تصدع
وبتروح ماشيه
وفي الوقت ده بسمع بابا بينادي عليا
هاله
نعم يا حبيبي محناج حاجه انت كويس
الاب
انا كنت سامع صوت سحر اختك من شويه هيه كانت موجوده هنا ولا اي
هاله
لا طبعا يا بابا هيه لو سحر هنا برضو كانت دخلت جوه سلمت عليك تلاقيك سمعت صوت الشغاله الجديده وافتكرتها هيه انا هروح انادي عليها علشان افهمها الوصع بتاعك
وبعدها بشويه بيجي عماد الي اول ما بيشوف مريم بيقول
عماد
تعالي عايزك جوا دقيقه واحده وبعدها بندخل الاوضه بلاقي بيقول
عماد بضيق
هو انتي برضو محرمتيش من المره الي فاتت وجايبه بنت صغيره دا كلام برضو هو انتي مبتحرميش انا افتكرت هتجيبي.واحده كبيره
هاله
في اي يا عماد مالك داخل اول ما شوفتها وانت عملت كده وعلي فكره مريم مش زي الي اسمها ندي البنت دي عارفع عنها كل حاجه وغير كده كمان اختها شغاله عند سحر
يعني لو فكرت تهرب ولا تعمل حاجه كده ولا كده هقدر اجيبها بسهوله
عماد
علي العموم اعملي الي تعمليه علشان عارف الكلام مش هيجيب معاكي نتيجه ولو اتكلمت ولا قولت حاجه هتفهميني غلط فافضل ساكت احسن
وبيروح داخل علي جوه وبيعدي 3شهور وفي الوقت ده بلاقي البنت وشها متغير ووشها اصفر وكل ما تشم حاجه عاوزه ترجع
هاله بشك
انتي كويسه يا مريم ومال وشك عامل كده ليه
واول ما بقول ليها كده بلاقيها اتوترت وقالت
مريم
ها لا مفيش حاجه كل الحكايه ان شكلي واخده برد في معدتي علشان كده هشرب حاجه سخنه وان شاء الله هبقي كويسه
هاله
تمام ولو حاسه ان انتي تعبانه قووي قوليلي نروح لدكتور اطمن عليكي انتي برضو مسؤوله مني هناااا
مريم
حاصر يا ست هانم متشغليش بالك لو حسيت بحاجه انتي اول واحده هقول ليكي
هاله
علي العموم انا نازله اجيب شويه طلبات ولو محتاجه حاجه من تحت ابقي رمي عليا وبروح سيباها وبنزل
هاله
يا خبر دا انا نسيت الموبايل انا مش فاهمه مال عقلي مشغول لي بس
وبروح طالعه واول ما بفتح باب الشقه بلاقي الصدمه لقيت بابا واقف عند المطبخ ومريم جوا وبعدها قولت ليه
هاله
معقول الي انا شيفاه ده يا بابا طالما انت قادر تقف وبتتحرك امال ضاحك علينا وبتقول ان انت مبتقدرش تتحرك من مكانك
الاب بتوتر
هاله اي الي رجعك بس دلوقتي هو كل
هاله بمقاطعه
انا عاوزه افهم هو اي الي بيحصل بالظبط وطالما قادر تتحرك وصحتك كويسه ليه كذبت عليا
اوعي يكون ليك يد في الي حصل لندي
الاب
معقول يا هاله جالك قلب تقولي ليا الكلام ده انا عارف انك هتشكي فياا دلوقتي لما شوفتيني بتحرك بس انا يا بنتي عملت كل ده علشان ما ابقاش لوحدي
طول ما انتم شايفني كويس هتخلوني قاعد لوحدي
هاله
اي الكلام الغريب الي انت بتقولو ده يا بابا لا طبعا مستحيل اسيبك لوحدك بس انا زعلانه أنك مخبي عليا حاجه زي دي
الاب
حقكك عليا يا بنتي انا عارف ان انا تعبتكم الفتره الي فاتت بس والله كل ده علشان ما ابقاش لوحدي
هاله
انا مش فاهمه منك حاجه
الاب
انا هقولك علي كل حاجه يا بنتي وبدأ
يحكي ليا علي كل حاجه
#فلاش باك
الاب كان قاعد في الصاله عند سحر وكان بياكل عدد الانتريه
ودخل اسلام
اسلام
اي القرف ده مش فيه مطبخ تاكل فيه اي اللي
خلاك تقعد تاكل هنا هو انت عارف العفش ده بكام علشان تقعد كده
الاب
هو انا عملت ايه يا اسلام يا ابني ده ساندوتش بس اكمن جعان قولت اكل اي حاجه هو انا وقعت حاجه على الارض
اسلام
هو انت كمان بترد عليا انتي يا ست سحر تعالي هنا وبعدها خرجت سحر
سحر
في ايه يا اسلام مالك صوتك عالي كده ليه هو بابا عمل حاجه ولا ايه انت زعلته في ايه يا بابا
الاب
والله العظيم يا بنتي ما عملتله اي حاجه
معرفش مالو وبعدها اسلام قال
اسلام
اسمعي كلامي كويس اوي ابوكي ده مش هيقعد هنا لحظه واحده انتي سامعه ولا لا
انا مش ناقص قرف امال بقولك اي مش عندك شــــ,قه روح اقعد فيها
الاب مقدرش يقف وبعدها اغم عليه
وجه الدكتور وكانت واقفه برا سحر واسلام
سحر
بجد ما تعرفش انا خايفه ازاي هاله جايه في الطريق ولو عرفت اللي حصل ده هتعمل معانا مشكله كبيره
اسلام
هو انت بتقولي ليه انا الكلام ده ليه خشي تقولي لابوك الكلام ده علشان خاطر ما يتكلمش قصادها في حاجه
سحر




