قال لزوجته مازحا

إنتي شكلك كده عجزتي و بقيتي ماتنفعيش أنا بفكر أشوفلي عروسة و هنا ردت عليه زوجته و قالت والله يا فتحي أنا لسه كنت بفكر في الموضوع ده إنت راجل و من حقك تتجوز و تتهنى و ده حقك الشرعي طب ليه إحنا الحقوق بتزعلنا ليه بنبدي العادات و التقاليد على الدين و شرع الله والله يا فتحي أنا فكرت أجوزك مابهزرش إيه يعني تبقي عندي ٣ أيام و عند عروستك زيهم

أبتسم فتحي وقالها إنتي بتتكلمي جد
قالت أيوه طبعا و ليه لأ ده أنا كمان برشحلك مها بنت خالتي بنت جميلة و بنت ناس و عندها ٣١سنة و ماتجوزتش قبل كده و أنا بحبها قولت إيه
برق فتحي و قال بصوت واطي ربنا يكملك بعقلك يا حبيبتي هي كويسة بس متنفعش
فقالتله طب إيه رأيك في نهال أهي مفيش أحلى من كده و شغاله فى بنك

قالها طب ما تنفعش أماني إللي معايا في المستشفى
أهي غلبانة و عندها عيل و مطلقة و طليقها مبيصرفش عليه أهي دي بقي إللي تبقي الثواب الكبير يا حبيبتي
و هنا وقفت الزوجة و نكشت شعرها و شرشحت و لمت عليه العمارة و الشارع و الجزار و البقال و بتاع عصير القصب و عينك ما تشوف إلا النور
إشتغلت بعلو صوتها ياراجل ياطفس يابو عين زايغة أنا كنت شاكة و تقريبا متأكدة إن في حاجة بينك و بين أماني المبقعة ليلتك سوده إنت و هي
و في النهاية وقع الخايب كان فاكر إن الحداية بتحدف كتاكيت_وعبرة حكمة عبرة  والدة صاحبتي
والدة صاحبتي قررت تفسخ خطوبة بنتها قبل شهور من الفرح وبعد ٣ سنين خطوبة.. البنت عارضت والدتها ووقفت في وشها مرة.. وحاولت تقنعها عشرات المرات.. بس مامتها كانت واضحة وحاسمة.. والأمر انتهى!
وفي محاولة لتخفيف وطأة الحزن على نفسية بنتها وتشجيعها لاستعادة بهجتها وثقتها في نفسها بعتت لها رسالة وهي نايمة علشان اول ما تصحى تشوفها..

قالتلها كلام كتير ملخصه
ان العلاقات اهل.. صحاب.. جواز.. لازمتها في الحياة إننا نطمن ونقدر نكون نسخة أحسن من نفسنا
فلما بنت شجاعة وذكية زيك تتعلم الخۏف والتوتر من الراجل اللي هتشاركه حياتها
لما يكسر خاطرك ويوعدك انه مش هيكررها.. ويكررها تاني يوم.. ويوعدك وتسامحيه ويكررها لحد ما تفقدي الثقة فيه وفي نفسك
لما تعملي كل المجهود اللي بتعمليه دة علشان تحافظي على وجوده في حياتك وهو أول حاجة يعملها لما يزعل انه يهددك بوجوده في حياتك
لما تحطيه قبل أهلك ويحطك بعد واحد صاحبه يعرفه من يومين
لما ماتشوفيش غير الجانب الجميل الوحيد اللي فيه وميشوفش كل الجمال اللي جواكي ويفضل يفكرك

بعيوبك ويزرع جواكي افكار سلبية عن نفسك
لما كل دة يحصل يبقى لازم تفوقي وتنهي العلاقة.. وتفتكري رحمة ربنا إن عندك الفرصة تعملي كدة بسهولة احسن ما السکينة تسرقك وتصحي على كابوس مش عارفة تتخلصي منه..
دة شخص بيأذيكي مش بيحبك وانتي شجاعة وتقدري تنجي بنفسك..
رغم ان البنت لسة حزينة ورغم إن مامتها بقالها ٣ سنين بتنصحها وبتنبهها بس هي مش قادرة تسمع وتفتح عنيها وتفوق.. قامت من النوم عملت حاجة جميلة جدا.. نقلت كلام مامتها على ورقة بخط كبير وعلقتها في أوضتها.. وكتبت تحتها

إنهاء العــ..ــلاقات المؤذية هي شجاعة منح نهاية لمشهد حزين يستنزفنا.. إنهاء العلاقات المؤذية هو فعل نجاة!
…
من أعظم النعم اللي ممكن تكون في حياة الانسان انه يكون في حد عاقل وحكيم في حياته.. يثق فيه ويحس إن معاه كتالوج متنوع من خبرات الحياة.. حد يقدر يرجعله يستشيره وياخد برأيه وهو مطمن.. يسمع كلامه لما ينصحه.. ويبقى متأكد إنه مهما اتخبط او اتلغبط فهو مع ذلك في طريق آمن!
ضع بصمتك بالصلاة على النبي صلوات الله وسلامه عليه