الفرعون الاسود

المنظر خلاني اترعبت، جريت بسرعه عشان اخرج بس فجأه في باب عند. الحفرا اللي انا دخلت منها اتقفل والنور اللي كان اصفر وموجود اختفي، وما بقاش فيه غير نور الكشاف بتاع موبيلي..

 

فضلت اتلفت حواليا وانا بدور علي مكان اخرج منه، وندمت ندم عمري اني دخلت هنا وما مشيتش، فضلت اصوت وانادي بصوتي كله ان حد ياحقني بس للاسف ما كنتش بسمع غير صدي صوتي وبس..

 

حاولت اكلم مريم او صاحب البست عشان يلحقني بس الشبكه كانت ضايعه خالص، حاولت اكمل نزور ما كنش قدامي غير الحل ده وجسمي كله كان بيتنفض بخوف ورعب وانا مش فاهم حاجه انا فين وايه الحفرا دي..

 

جه في بالي جن وعفريت في الوقت ده، وفضلت اقرأ قرآن وشغلت كمان قرآن علي الموبيل، وفجأه سمعت صوت الشخص اللي كان بيتألم تاني..

 

نزلت اسرع ولقيت فعلا راجل شكله كبير في السن وواقع علي الارض ووشه كله ازرق جدا وتعبان اووي وبيتألم وبيقول..

 

_حمدي الحقني يا حمدي انت جيت؟

 

قربت منه وقولتله

لا انا مش حمدي ممكن تقوم معايا وقولي ازاي نطلع من هنا؟

 

بصلي وقال

انت ايه اللي جابك هنا هو حد يروح للنار برجليه

 

ما كنتش فاهم كلامه حاولت اقومه واخده ونطلع اكسر الباب او حتي اعمل اي حاجه، وكنت لسه هقرب منه سمعت صوت حد قالي..

 

_سيبه اياك تقربله

 

بصيت ورايا بسرعه وانا خايف لقيت واحد طويييل اووي وشكله حرفيا مرعب وملفوف عليه خيوط بيضه ايوه ده كفن او متحنط شكل ايديه الطويله والطريقه اللي متكفن بيها تدل انه من زمن الفراعنه.. بس في الاول والاخر هو حد ميت…

 

حاولت اتحرك بس حسيت اني متكتف، الراجل جنبي خلاص بيطلع في الروح يا الحق انقذه يا ما الحقش، واللي واقف قدامي ده انا بالكتيير اوصل لركبته، وقولتله بصوت طالع بالعافيه مني..

 

_الراجل بيطلع في الروح وانا لازم انقذه..

=يستاهل هو اللي جابهم هنا عشان يأذوني ونسي حاجه مهمه جدا ان المقبره دي ليها لعنه وهي لعنة الفرعون الاسود

 

قال الكلام ده وبدات ملامح وشه تظهر عيون حمرااا ومناخير كبيره وشفايفه واسنانه كبيره جدا وقبل ما اشوف ملامح اكتر ليه حسيت الدنيا كلها بتلف بيا وما حستش بحاجه تاني

 

فوقت تاني يوم وكانت دماغي تقيله اووي وسامع صوت دوشه ونسوان بتصوت، اتحركت بالعافيه وقومت قعدت لقيت اني نايم في اوضتي في البيت بتاعي والنور مولع الموبيل بتاعي بيرن برقم مريم..

 

ما ردتش عليها وطلعت بره الاوضه وانا مش فاهم حاجه ازاي انا جيت هنا انا كنت في المقبره امبارح ايوه والفرعون الاسود انا ما اتجننتش عشان ما اعرفش افرق بين الحلم والحقيقه..

 

وفجأه الباب خبط ولما روحت فتحت لقيت الحج عوض صاحب البيت ووراه الشرطه واهل البلد كلهم وفي صوت صويت عالي والحج هوض قالي بقلق..

 

_يا ابني قلقتني عليك بقالنا ساعه بنخبط وما حدش بيرد

=معلش بس انا كنت نايم، هو في ايه اللي بيحصل هنا؟

 

قال الظابط المره دي

معقول مش عارف اللي حصل لجيرانك ده الباب في وش الباب

 

مسك عوض ايدي وضغط عليها وقال

انت ما تعرفش مش الحج عبد الدايم لقيوه ميت في بيته وكمان اخوه ابراهيم والست مراته كانو مقتولين بره البيت ووشوشهم مشوهه..

 

وقتها قولت لنفسي ان اللي حصل امبارح ما كانش حلم بس ليه اللعنه ما صابتنيش زيهم وليه انا الوحيد اللي عايش، والظابط كرر السؤال عليا ان كنت حسيت بحاجه او شوفت حاجه…وانا رديت عليه وقولتله

 

_لا يا باشا انا لسن واخد بالي من الكلام ده دلوقتي، انا اصلا نومي تقيل شويه ومش بصحي بسهوله

 

اكيد طبعا ما كنتش هقول الحقيقه يعني، واقولهم اني روحت البيت ودخلت نقبره بتلعت فرعون ولقيته وكلمني وما حستش بحاجه وصخيت لقيت نفسي في اوضتي مستحيل حد يصدق حاجه زي دي..

وقرب مني الحج عوض وقالي

 

_اوعي تقولهم علي الحاجات الغريبه اللي كنت بتشوفها..

 

استغربت اللي قاله بس سمعت كلامه وقولت اما اعرف منه الاول الحكايه واعرف هو ليه خايف تني اقول حاجه، انا برضو عايز افهم اللي حصلي ده والا هتجنن..

 

واول ما خلصت كلام مع الظابط قولتله اني لازم امشي لان عندي دراسه وهو اخد كل المعلومات عني وروحت غيرت هدومي وروحت المعهد وقعدت في زاويه لوحدي..
السابقانت في الصفحة 3 من 5 صفحاتالتالي

 

 

 

3 من 3التالي
تابع المقال

شاهد أيضاً
إغلاق
زر الذهاب إلى الأعلى