زوجوني حد معرفش هو مين ومشفتش صورته..
بقلم آيه السيد
على جانب أخر تجتمع عائلة النجار
هتف الأخ الأصغر لأخيه الأكبر معاتبا
هتچوز يوسف بت من الريف ازاي يا سليمان وإنت عارف إنه اتعين داكتور في الچامعه وعايش في مصر وسقف طموحاته عالي!
عقب سليمان بتعجب
يعني هيخالف أوامر عمه! حتى لو هو عصي هچبره..
عقد جبهته بتحدي قائلا
أنا عارف هخليه يوافق إزاي….
أردف سليمان وهو ينظر لأخيه الأصغر بأمر
كلمه وقوله عمك عايز يشوفك بكره…
عقب الأخ الأصغر بقلة حيله
ماشي يا سليمان لما نشوف أخرة دماغك هتودينا فين!
عقب سليمان بثقة
متقلقش أنا مرتب لكل حاچه
أردف بفخر واعتزاز قائلا
أنا إلي ضيقتها عليهم وعرفت أچيبهم راكعين
رمقه الأخ الأصغر باستفهام قائلا
رچعت برده تفكر في الإ….نتىقام!
رفع رأسه بشموخ قائلا
أنا منستش الإ….نتىقام أصلا وطول السنين دي كنت بطاردهم في الخفى
ابتسم سليمان بسخرية مردفا
وأخيرا وقعوا تحت ايدي وچاين يطلبوا الصلح عشان ينقذوا شغلهم
عقب الأخ الأصغر بعدم فهم
طيب وليه وافقت على الصلح! ليه مرفضتش وسيبتهم يخسروا شغلهم
هز رأسه باعتراض قائلا
لأن خسارة الفلوس مش هتوچع
نظر أمامه بجديه قائلا
أنا ناوي على حاچه تانيه
هز أخيه الأصغر رأسه باستنكار ورمقه بنظرات حائرة قائلا
ربنا يستر من إلي چاي
بقلم آيه السيد
وفي اليوم التالي أثناء طريق عائلة فهيمه أو
فرح للبلد وبالتحديد في السياره مالت فرح على أخيها الأكبر نوح وهمست بخبث
طبعا إنت في غاية السعاده عشان هتشوف الجو بتاعك!
لكزها نوح في ذراعيها بقوه وقال
اسكتي يا ڤضيحه أنا غلطان أصلا إني حكيتلك
ابتسمت قائله بثقه
من غير ما تحكي أنا أصلا كنت عارفه
غمزت بعينيها وهمست مردفة
بس البت شكلها واقعه فيك يا معلم
اعتدل في جلسته ونظر لها بترقب وسألها مبتسما
هي قالتلك حاجه!
عقبت فرح قائله بثقه
هي مقالتش بس أنا من خلال خبرتي في الحياه متأكده إنها واقعه فيك
رفع شفتيه لأعلى بسخريه وقال
يا بت دا إنت مقضيه حياتك يا نايمه يا بتاكلي!
