في عز البرد حماتي غيرت لبناتي التوأم هدومهم ووو

منه بتعب
عشان عمي كان بيهددنا بيكي ياماما واحنا كنا خايفين عليكي بس والله
مديحة
طيب قومي قومي انتي واختك اسندو عليا ويلا بينا على البيت يلا ياحبايبي منهم لله
ومشيت على البيت وفضلت قافله على نفسي انا والبنات لحد لما اتعافوا ورحت لبابا وحكيت له وقولت له
انا هاروح ابلغ عنهم يابابا عشان كده حق بناتي هيضيع انت لازم تساعدني
الاب
اساعدك في ايه يا مديحة انتي اتجننتي ولا ايه بقول لك يابت انتي انا مليش دعوة بالحوار ده وبعدين ده عمهم ودي جدتهم وانتي ملكيش دعوة بيهم هما حرين فيهم
مديحة
يعني ايه هما حرين فيهم ده انا بقولك عملو في البنات ايه تقولي حرين لا طبعا دول بناتى وانا مش هسكت
دلال
اسمعي يابت انتي ابوكي قالك انه ملوش دعوة بحاجة ودول اهل البنات انشالله حتى يولعو فيهم احنا ملناش فيه ويلا بقا بالسلامة من هنا
مديحة
بقا كده يابابا انت بتتخلي عني دي اخرتها وكمان خالتي تطـ.ــردني من بيتك وانت ساكت ياخسارة يا بابا ياخسارة والله
الاب
يلا يا مديحة ارجعي بيتك واقعدي وسط بناتك وملكيش دعوة بحد ولا تروحي تشتكي ولا تعملي حاجة دول اهل البنات في الأول وفي الاخر
في الوقت ده بصيت لهم باستحـ.ــقار وسبتهم ومشيت ورجعت البيت وفضلت اعيط
وعند ماجد اللي كان قاعد مع إسماعيل وقاله
والله يامعلم اسماعيل انا شايف انك تشيل اللي اسمها مديحة دي من دماغك دي وليه نكديه وانت مش هينوبك غير وجع الدماغ وبس
اسماعيل
يعني ايه ياماجد طب ده انا كنت ناوي اديك قرشين حلوين كده تسلك بيهم نفسهم وتعملك مشروع حلو كده اهو حاجة تسليك بدال قاعدة القهوة دي
ماجد بفرحة
بجد يامعلم اسماعيل طب والله ده انا اكون خدامك بقيت عمري
اسماعيل
لا لا ياحبيبي انا هديك الفلوس دي مقابل انك تجوزني مديحة هااا قولت ايه
سكت ماجد شوية وقاله
طيب انا عندي حل تاني احلى بكتير عندي ليك عروسة احلى واجمل وأصغر من مديحة خارج البيت دي ايه رايك في البنت بنتها
اسماعيل عيونة لمعت وقال له
تقصد انهي واحده فيهم يا ماجد انا شايف ان الاتنين مشاء الله عليهم طالعين قمرات لامهم
ماجد
انا هديك منه اهي اكبر من منار بسنتين ها قولت ايه
اسماعيل
بس البت صغيرة عليا اوي ياماجد انت شايف انها هتنفع
ماجد
الا تنفع يا معلم ده انا هجوزك البت بس طبعا بعد ما هجيب حد يسننها وتكتب عليها قول اه وانت هتلاقي قمر معاك
اسماعيل
امممم والله فكرة حلوه يا ماجد واهي كمان البنت صغيرة وهي اللي هدلعني وبنت بنوت كمان ياحلاوة ماشي وانا موافق يا ماجد
وراح ماجد وقال لأمه اللي فرحت بالفلوس اوي وقالت له
انا موافقه طبعا يا ماجد بس هتعمل ايه في المخفيه مرات اخوك دي مش هتوافق ابدا على كده
ماجد
ملكيش دعوة بقا يا أمي أنا هتصرف معاها وبعدين هي مش هتعرف حاجة غير بعد لما ناخد البنت ونكتب كتابها على المعلم اسماعيل وبعدها نقولها امك في العشه ولا طارت هعهعهع
وتاني يوم كنت رايحة مشوار وسبت والبنات ولما رجعت لقيت منار بتعيط وقولت لها
اختك فين وانتي بتعيطي ليه يامنار ايه اللي حصل
منار.
عمي جه واخد منه غصب عنها وقال انه هيجوزها لواحد اسمه اسماعيل
في اللحظة دي انا اتجننت وجريت على بيت حماتي وقولت لهم
بنتي فين يا حماتي انا عايزة بنتي وديت البنت فين ياماجد
ماجد
بقولك ايه يا مره انتي امشي اطلعي بره من هنا انا بنتك خلاص هجوزها المعلم اسماعيل يلا غوري من هنا
و قني وقفل الباب وانا فضلت اقول
والله لاوديك في داهيه ياماجد وفي الوقت ده ملقتش حد يقف معايا واتصلت بمراد اللي جه فورا وحكيت له على كل حاجة وقالي
متقلقيش يا مديحة هو مش هيقدر يجوزها البنت قاصر وصغيرة انا ليا واحد صديقي ظابط في الشرطة هو اللي هيحل لنا الموضوع ده كله
مديحة
طيب بسرعة والنبي يا مراد الله يخليك انا مليش حد دلوقتي غيرك انت خليك جنبي متسبنيش
مراد
وانا عمري ما هسيبك يا مديحة وحق بناتك ده في رقبتي وانا اللي هجيب لك حقك وحقهم اطمني
وفعلا بعدها مراد اتصل بصاحبة الظابط وراح واتقبض على ماجد وحماتي واسماعيل بتهـ.ــمة اللي عملوه في بناتي
وخلاص دخلو السجـ.ــن ومراد قالي
اظن ان الأوان بقا اننا نعيش مع بعض انا وانتي والبنات يا مديحة
منار
بصراحة ياعمو مراد احنا مش هنلاقي حد يخاف علينا زي حضرتك
منه
ايوه فعلا حضرتك الوحيد اللي وقفت جنبنا وجنب ماما وانا ومنار اتفقنا ياماما ان عمو مراد يتجوزك
مديحة
انتو بتقولو ايه يا ولاد جدتكم وعمكم مش هيسبونا في حالنا
مراد.
انتي مالك ومالهم وبعدين خلي بالك بعد اللي عملو في بناتك ده هيخليهم مش هيقدرو انهم يعملو لكم حاجة ابدا
مديحة
طيب انا موافقه بس بشرط اننا نبعد عن هنا خالص ونروح بلد تانية
مراد
امممم وانا موافق ياست الستات
و اتجوزت مراد وعشنا في اسكندرية وعدت السنين ومنه كبرت واتجوزت ومنار بعدها وكنت قاعده انا ومراد وقالي
والله البنات كانو مالين علينا البيت يامديحة
مديحة
فعلا ياحبيبي ده هما كمان مكنوش عايزين يتجوزو ويبعدو عنك ربنا يخليك لينا يا مراد انا مش عارفه من غيرك كنت هعمل ايه انا والبنات
مراد
ويخليكي ليا يا احلى حاجة في حياتي ماتقومي تعملي لنا كويتين شاي
وبكده تكون خلصت حكايتي




